Buxarinin İslam Peyğəmbərindən nəql etdiyi bu hədisdə deyilir:
“Şərqdən bir qrup kişi zahir olar. Onlar Quran oxusalar da, oxuduqları boğazlarından yuxarı keçməz. Ox kamandan çıxdığı kimi dindən çıxarlar. Baş qırxmaq onların bir əlamətidir.”
-Səhihi-Buxari, Kitab ət-təuhid, 57-ci fəsl, 7123-cü hədis.
Qəstəlani “İrşadus-sari əsərində
(“İrşadus-sari”, c. 15, səh. 626)bu hədisi şərh edərkən yazır: «Şərq tərəfdən» dedikdə, Mədinə şəhərinin şərq tərəfi, Nəcd və bu kimi digər ərazilər nəzərdə tutulur.
Səhih-Buxari, Fitən kitabı, fəsil-16, hədis-7094-də İbn Ömərdən belə rəvayət olunur ki:
Bir gün böyük İslam Peyğəmbəri Həzrət Mühəmməd belə bir dua etdi: ”Ey Allah! Şamı və Yəməni bizim üçün (İslam üçün) bərəkətli et!” Bunu üç dəfə təkrar
etdi. Ətrafında olanlardan bəziləri
dedilər: ”Ya Rəsuləllah! Nəcdi də dua et.” Peyğəmbər yenə də üç dəfə həmin duanı təkrar etdi (”Ey Allah! Şamı və Yəməni bizim üçün bərəkətli et!”. Yenə də dedilər: ”Ya Rəsuləllah! Nəcdi
də dua et .” Peyğəmbər yenə də üç dəfə həmin duanı təkrar etdi (”Ey Allah! Şamı və Yəməni bizim üçün bərəkətli et!”. Dedilər: ”Ya Rəsuləllah! Nəcdi niyə dua etmədin?” O Həzrət cavab verdi: ”Nəcd zəlzələlər, fitnələr və şeytanın çıxacağı yerdir.”
Nəcdin tarixində vəhhabiliyin orada yaranmasından başqa bir yadda qalan hadisə yoxdur.
Həqitətən də İslam Peyğəmbəri doğru buyurmuşdur ki, pozğun fikirlər, azğın əqidələr, dinindən dönənlər, şeytana uyanlar və İbn Əbdülvəhhabın
simasında şeytan Nəcddən çıxmışdır.
Səhih-Buxari, Tövhid kitabı, fəsil-57,hədis 7562-də isə Xidridən belə rəvayət olunur ki, Peyğəmbər buyurmuşdur:
”Məşriqdən (Şərqdən-gündoğandan) bir qrup insanlar çıxacaq ki, onlar Quranı oxuyacaqlar, ancaq ona əməl
etməyəcəklər. Yay kamandan çıxdığı kimi onlar da dindən çıxacaqlar. Yay kamana qayıtmadığı kimi onlar da dinə qayıtmayacaqlar.” Soruşdular: ”Ya Rəsuləllah! Onların əlamətləri nə olacaq?” O Həzrət cavab verdi: ”Onlar saqqallarını ya qırxarlar, ya saxlayarlar (uzadarlar).”
