Uşaqdan qocaya: İmam Hüseyn (ə) yolunun hekayəsi – FOTOLAR

Qafqazagency.ir xəbər verir ki, Uşaqdan qocaya: İmam Hüseyn (ə) yolunun hekayəsi

…Bəsrənin səssiz küçələrində, bir uşaq əllərində süd, su və məhəbbətlə dolu qablarla irəliləyir. Adı Muhəmməd əl-Xərsandır, cəmi on yaşındadır. Dördüncü sinifdə oxuyan bu şagird, böyüklərin görəcəyi bir xidməti fədakarlıqla yerinə yetirir.

İmam Hüseynin (ə) zəvvarlarına, xüsusilə Ərbəin yürüşünə gedənlərə xidmət etmək onun üçün böyük bir məna daşıyır.

“Zəvvarlara xidmət etdikcə qəlbimin paklandığını hiss edirəm. Elə bilirəm ki, imam Hüseyn (ə) mənə baxır,” – deyə sevinc və iman dolu gözlərlə danışır. Bu müqəddəs yolun yolçusu olmağı o, üç il əvvəl seçib. Körpə yaşı, kiçik əlləri olsa da, onun sevgisi və xidməti bir dağ qədər uca və möhkəmdir.

Digər tərəfdə isə zamanın izləri ilə dolu bir sima – hacı Əbu Muştaq. 1955-ci ildə Bəsrədə dünyaya göz açan bu insan, ilk dəfə gözlərini açanda böyük qazanlarda bişən ehsan yeməkləri, göyə ucalan qara bayraqlar və İmam Hüseyn (ə) yolunda xidmət edən insanlar görüb. Bu mənzərə onun qəlbində silinməz izlər buraxıb, və o gündən bu günə qədər həmin yolda sədaqətlə irəliləyir.

“İmam Hüseynin (ə) və zəvvarlarının bərəkəti, duası ilə Allah şəfa verdi.,” – deyə Əbu Muştaq səssiz bir qətiyyətlə bildirir.

“Son nəfəsimədək bu xidməti davam etdirəcəyəm. Dünyada bunu heç bir şeyə dəyişmərəm.”, -deyir qoca…

Bu iki fərqli dövrün, iki fərqli yaşın insanları – biri yenicə həyatın astanasında, digəri isə zamanın dərinliklərində – eyni sevgi ilə birləşirlər: İmam Hüseyn (ə) eşqi. Bu eşq yaş tanımır, zamanın sərhədlərini aşır. Uşaq da, qoca da bu yolun yolçusudur – və bu yolun ölçüsü nə yaşla, nə zamanla, yalnız qəlbin təmizliyi və səmimiyyəti ilə müəyyən olunur.

Uşağın da sevgisi safdır, Qocanın da sədaqəti uca. Bu yol yaş tanımır, illəri saymaz, Çünki Hüseyn (ə) eşqi ürəklərdə ölçülür.

Bu, bir yolda iki addım – Biri yeni başlanan, biri sonuna doğru. Amma ikisi də eyni işıqla yanır, İmam Hüseyn (ə) eşqi ilə – Bütöv, dərin və sonsuz…