“Zəngəzur dəhlizi İranın strateji maraqları və rolu nəzərə alınmadan həyata keçirilə bilməz”.
Qafqazagency.ir xəbər verir ki, , İran İslam Şurası Məclisinin Ərdəbildən olan deputatı və İran-Azərbaycan parlamentlərarası dostluq qrupunun rəhbəri Sudeyf Bədri belə deyib.
“Son günlərdə Zəngəzur dəhlizinin icrası ilə bağlı bəzi qeyri-peşəkar və qeyri-real açıqlamaların şahidi oluruq. Bu cür məsələlər heç bir halda icra və əməliyyat mərhələsinə keçə bilməz və mütləq bölgədəki maraqlarımız bu layihələrdə nəzərə alınmalıdır”.
“Heç vaxt hədə-qorxu və məcburiyyət dili bölgə inkişafı üçün doğru və məntiqli yol ola bilməz. Qafqaz regionunda yerləşən bütün ölkələr İran İslam Respublikasının iştirakı ilə ortaq maraqların təmin edilməsinə çalışmalıdır”, – deyə o bildirib.
İran-Azərbaycan parlamentlərarası dostluq qrupunun rəhbəri qeyd edib ki, Qafqaz üçün davamlı və təhlükəsiz marşrut yalnız İranın əsas xəttindən keçir və bölgə ölkələrinin hamısı bilir ki, onların maraqlarını təhlükəsiz şəkildə təmin edə biləcək yeganə ölkə İrandır.
“Bu sahədə heç bir halda yan məsələləri gündəmə gətirmək niyyətində deyilik, lakin inanırıq ki, Qafqazda, o cümlədən Zəngəzur dəhlizində heç bir tranzit marşrutu İranın həssas və vacib maraqları təmin olunmadan icra edilə və davamlı ola bilməz”.
