Sionistlərin mobil telefonlarında şok mesaj / İranın kəşfiyyat qurumları ilə əməkdaşlığınızdan məmnun olarıq!

Qafqazagency.ir xəbər verir ki, Bu səhər minlərlə sionist mobil telefonlarında İranın kəşfiyyat qurumları ilə əməkdaşlıq məzmunlu qəribə bir mesaj aldıqlarını bildiriblər.

İvritdilli İsrael Hayom saytı xəbər verib ki, minlərlə sionist bu səhər telefonlarında belə bir mesaj alıb:

“İranın kəşfiyyat qurumları sizin [İsrail əleyhinə] əməkdaşlığınızdan məmnun olacaq.”

Bildirildiyinə görə, bu şəxslər sionist rejimin keçmiş baş naziri Naftali Bennetin əlaqə siyahısında yer alan insanlardır və onun mobil telefonu iranlı hakerlər tərəfindən sındırılıb.

Sionist rejimin rəhbər şəxsləri və rəsmi qurumları indiyədək bu məsələyə reaksiya verməyiblər. Lakin yayılan məlumatlara əsasən, ötən həftə ərzində sionist rejimin infrastrukturuna qarşı genişmiqyaslı kiberhücumlar həyata keçirilib və rejim ordusunun kiber təşkilatı bu hücumların qarşısını almaqda indiyədək uğursuz olub.
Dünən də “Hənzələ” adlı haker qrupu yaydığı bəyanatda “Ahtapot” adlı əməliyyat çərçivəsində sionist rejimin keçmiş baş naziri Naftali Bennetin şəxsi mobil telefonuna çıxış əldə etdiyini açıqlayıb.

Bəyanatda həyata keçirilən nüfuz uğurlu kiber əməliyyat kimi qiymətləndirilib və bu hadisə İsrailin yüksək vəzifəli rəsmilərinin informasiya təhlükəsizliyinin zəifliyinin göstəricisi kimi təqdim edilib.

Qrupun açıqlamasına görə, sözügedən telefon iPhone 13 olub və ondan çoxsaylı fayllar çıxarılıb. Yayımlanan məlumatlar arasında bəzi yüksək vəzifəli rəsmilərin adlarının yer aldığı əlaqə siyahıları, daxili yazışmalar, həssas sənədlər və şəxsi görüntülər mövcuddur. Bu sənədlərin bir hissəsi rəsmi məktubların ilkin variantlarından ibarətdir və bəzilərinin üzərində 2025-ci ilin iyul tarixi qeyd olunub.

Davamında yayımlanan materiallarda siyasi məzmunlu mesajlar və qeydlər də yer alıb ki, bunlar daxili fikir ayrılıqlarına və struktur daxilindəki tənqidlərə işarə edir. Həmin sənədlərdə sionist rejimin daxili təhlükəsizlik naziri ilə bağlı qiymətləndirmələrə toxunulub və o, hakim koalisiya üçün “siyasi risk” kimi xarakterizə edilib.