Nizami rayon məhkəməsi Şeyx Sərdar Hacıhəsənlinin 6 ay müddətində həbsxana, qapalı tipli cəzaçəkmə müəssisəsi rejiminə köçürülməsi ilə bağlı qərar qəbul edib.
Bu barədə Vəkil Zibeydə Sadıqova bildirib. O, bildirib ki, Avqustun 7-də Nizami rayon məhkəməsində Sərdar Babayevin həbsxanaya köçürülməsi ilə bağlı 1 saylı CÇM-nin təqdimatı üzrə məhkəmə prosesi keçirilib.
“Belə ki, 1 saylı CÇM-nin rəhbərliyi 17 may 2025-ci ildə bu müəssisəyə köçürülən Şeyx Sərdarı şərləyərək onun guya qaydaları pozduğunu və buna görə də 3 il müddətinə Umbakı qəsəbəsində yerləşən həbsxanaya (Krıtı) göndərilməsini istəyib.”
Vəkil Z.Sadıqovanın sözlərinə görə, hakim Mətanət Hacıyevanın sədrliyi ilə keçirilən məhkəmə prosesində Şeyx Sərdar Hacıhəsənli özü də iştirak edib.
Ruhani Şeyx Sərdar məhkəmədə çıxış edib. O, çıxışında özünə qarşı irəli sürülən ittihamların şər və böhtan olduğunu bildirib.
Vəkil Z. Sadıqova bildirib ki,Sərdar Babayev məhkəmə prosesində bildirib ki, o, heç vaxt qaydaları pozmayıb. Tərtib edilmiş qərarlar əsassızdır.
