Qafqazagency.ir xəbər verir ki, Livan Hizbullahının Baş katibi Şeyx Naim Qasim, İsrail rejiminin Qəzzadaki son cinayətlərinə toxunaraq vurğulayıb ki: “Tarix bu rüsvayçılığı, aclıq və soyqırımı dövründə dünyanın rəhbərlərinin və hökumətlərinin alınında qeyd edəcək.”
Şeyx Nəim Qasim bəyanatında bildirib:
Bismillahir-Rahmənir-Rahim
Bu gün Qəzza zolağında məzlum Fələstin xalqının başına gətirilənlər, ABŞ və İsrailin birgə təcavüzünün nəticəsidir. Bu, vəhşiliyə qərq olmuş, soyqırımı, aclıq və kütləvi qırğın siyasəti ilə həyata keçirilən, bütün insani və əxlaqi meyarların tapdalandığı bir cinayət silsiləsidir.
Dünyanın susqunluğu, hökumətlərin və məsul şəxslərin açıq şəkildə ittiham edilməsinin göstəricisidir. Bu sükut, “beynəlxalq hüquq” deyilən anlayışın məna və təsirini aradan qaldırıb. Qəzzaya qarşı müharibənin dayandırılmasını istəyən 25 ölkənin çağırışı kifayət deyil. Bu mövqe sahibləri, baş verənlərə şahidlikdən və bəzi böyük güclərin bu təcavüzə verdiyi dəstəklərdən məsuliyyətdən azad olmurlar.
Yalnız bəyanatlar və pisləmələr kifayət etmir. Əsl ehtiyac olan budur ki, bu mövqelər real tədbirlərə çevrilsin. Elə tədbirlər ki, qətliamı və cinayətləri dayandırsın. Bu tədbirlərə İsrail rejiminə qarşı sanksiyalar, təcrid, məhkəməyə cəlb edilmə və onunla hər cür əməkdaşlığın dayandırılması daxil olmalıdır.
Ən böyük məsuliyyət ərəb və islam ölkələrinin üzərindədir – istər dövlətlər, istər xalqlar. Mövqeyinizi seçin, imkanınız nəyə çatırsa çatın, amma seyrçi qalmayın. Münasibətlərin normallaşdırılması prosesini dayandırın, düşmənin səfirliklərini bağlayın, ticarət mübadilələrini kəsin və Fələstin və Qəzzanı – heç olmasa həyat üçün minimal imkanlarla – dəstəkləmək üçün bir olun. Əgər Amerika görsə ki, xalqlar Fələstin xalqı ilə həmrəydirlər və bir səslə danışırlar, geri çəkilməyə məcbur olacaq.
Tarix, aclıq və kütləvi qırğın dövründə dünya rəhbərlərinin və hökumətlərinin alnında bu rüsvayçılığı qeyd edəcək. ABŞ və İsrailin zülmü, məzlumlara yardım etməyənləri də əhatə edəcək. Və bilin ki: “Zalımlar əsla nicat tapmayacaqlar!” İsrailin bu vəhşiliyi və təkəbbürü, inşallah, tezliklə onun dəhşətli süqutuna səbəb olacaq.
