Qafqazagency.ir xəbər verir ki,Bəhreyn şiələrinin lideri Şeyx İsa Qasım, ABŞ prezidenti Donald Trampın İran İslam İnqilabı rəhbərinə qarşı təhqiramiz və hədələyici bəyanatlarını sərt ifadələrlə pisləyib və bu addımı İslam ümmətinə və onun müqəddəslərinə qarşı açıq-aşkar təhqir adlandırıb.
Şeyx İsa Qasım verdiyi bəyanatda qeyd edib ki, Həzrət Ayətullah Xameneyi – İslam İnqilabının rəhbəri – Qurani bir nümunə və bu dövrün nadir və uca bir lideridir.
Əl-Məyadin xəbər agentliyinə əsasən, o əlavə edib ki, Ayətullah Xameneyinin yüksək təbliğati məqamı və İslam ümmətini gücləndirmə gücü, onun Qurana və müqəddəs dəyərlərə olan ixlaslı bağlılığının göstəricisidir. Bu isə onun saf niyyətindən və İslamın qüdrətinə olan təmənnasız inamından qaynaqlanır.
Bəhreyn şiələrinin lideri əlavə edib: İmam Xameneyiyə qarşı edilən istənilən təhqir və ya hədələyici ifadə, yalnızca bir şəxsə deyil, bütün İslam ümmətinə, onun müqəddəslərinə və müqəddəs fiqh məqamına qarşı yönəlmiş təhqirdir.
Şeyx İsa Qasım vurğulayıb ki, Donald Trampın bu ali rəhbərə qarşı təhqiramiz və hədələyici sözləri cahillik, nadanlıq və səfehlikdən irəli gəlir və hadisələrin və nəticələrin düzgün dəyərləndirilməməsinin bariz nümunəsidir.
O, sözünün sonunda bildirib ki, bu kimi addımlar bütün İslam ümmətinə və onun müqəddəslərinə yönəlmiş təhdid və təhqir sayılır və İslam ümmətinin öhdəsinə ağır məsuliyyət qoyur
