Ermənistanda Gümrüdə yerləşən 102-ci hərbi bazanın çıxarılması məsələsi iki ölkə arasında müzakirə mövzusu deyil.
Qafqazagency.ir xəbər verir ki, bu barədə Rusiyanın Ermənistandakı səfiri Sergey Kopırkin bəyan edib.
Onun sözlərinə görə, Ermənistan rəsmiləri dəfələrlə açıq şəkildə bildiriblər ki, bu məsələ gündəmdə yoxdur.
Kopırkin əlavə edib ki, “Rusiyanın hərbi iştirakı həm Ermənistanın təhlükəsizlik sistemində əsas dayaqlardan biri, həm də regionda sabitliyin qorunmasında mühüm amildir”.
Səfir vurğulayıb ki, oradakı rus hərbçiləri bölgədə heç kim üçün təhlükə yaratmır.
