Qafqazagency.ir xəbər verir ki, İran İslam Şurası Məclisinin sədri Məhəmmədbaqir Qalibaf bildirib ki, sionist rejim əvvəldən ərazi genişlənməsi və müstəqil İslam dövlətlərinin aradan qaldırılması məqsədi güdüb. O vurğulayıb: Əgər sionist rejimə qarşı durmasaq, onun hegemonluq meyilləri davam edəcək və ya İslam ölkələrinin diz çökdürülməsi və sionist rejimin tanınmasını hədəfləyən «İbraham» planı kimi saxta sülhün, yaxud da məcburi müharibənin şahidi olacağıq.
Qalibaf qeyd edib: Sionistlər zor və gücdən başqa heç bir dili anlamırlar və onlara qəti, möhkəm cavab verilməlidir. Şükürlər olsun Allaha ki, onların başladığı və ABŞ-nin birbaşa müdaxilə etdiyi təcavüzə qarşı İran İslam Respublikası, İslam ümmətinin dəstəyi ilə, onlara sarsıdıcı cavab verdi, – deyə Qalibaf vurğulayıb.
Məclis sədri əlavə edib: Sionist rejimlə mübarizə ilə yanaşı, İslam ümməti elmi və iqtisadi sahələrdə inkişaf və əməkdaşlıq yolunu davam etdirməli, dünya tərəqqisindən geri qalmamalıdır. ABŞ-nin sanksiyaları və təzyiqlərinə baxmayaraq, qürurla deyə bilərik ki, İran elmi sahələrdə mühüm irəliləyişlər əldə edib.
