Qafqazagency.ir xəbər verir ki, Qəzzaya humanitar dəstək məqsədilə yola çıxan “Sumud Qlobal Donanması” fəalları arasında iki azərbaycanlı olması haqqında sosial mediada paylaşım edilib. Məlumatda deyilir ki, hal-hazırda İsrail həbsxanasında qanunsuz şəkildə saxlanılan Azərbaycan vətəndaşları Orxan Səmədzadə və Pərvin Əzimov da Qəzzaya yola düşən humanitar gəmidə olublar.
Gəmilər İsrail həbçiləri tərəfindən saxlanılıb və fəalların hamısı həbs olunub. Zamanla həbs olunanların ölkələrinə deportasiya olunmasına baxmayaraq O. Səmədzadə və P. Əzimovun hələ ki, azad olunmadan İsrail həbsxanalarında qaldığı xəbərdə əks olunur.
Oktyabrın 8-də Qəzzaya humanitar yardım aparan gəmidə saxlanılan Azərbaycan vətəndaşları yaxın günlərdə Türkiyəyə geri göndəriləcək.
Bu barədə Xarici İşlər Nazirliyinin Mətbuat xidməti idarəsinin rəisi Ayxan Hacızadə məlumat verib.
Onun sözlərinə görə, saxlanılan şəxslər arasında olan iki Azərbaycan vətəndaşı – Pərvin Əzimov və Orxan Səmədzadə gəmi ekipajının üzvləridir və Türkiyədə işləyirlər.
“İsraildəki səfirliyimiz tərəfindən görülən tədbirlər nəticəsində onların azad edilərək öz istəkləri əsasında Türkiyəyə geri qayıtması nəzərdə tutulur”, – deyə XİN rəsmisi bildirib.
