Qafqazagency.ir xəbər verir ki, Prezident bildirib: Çinin inkişaf prosesi məqsədyönlü, elmi əsaslı, dəqiq proqramlara söykənən və tərifə layiqdir. O, Çin Prezidenti tərəfindən irəli sürülən “qlobal idarəetmənin islahı” adlı proqramı dəyərləndirərək deyib: Bu təşəbbüs bütöv, sistemli bir proqramdı və onun uğuru, bu paketin bütün hissələrinin birlikdə və tam şəkildə icrasından asılıdır.
Məsud Pezeşkian, bu gün 2 sentyabr 2025-ci il tarixində, Çinə səfəri çərçivəsində Çinin Mərkəzi Televiziya Kanalı (CCTV) ilə ətraflı müsahibəsində bu televiziya kanalının suallarını cavablandırıb. Aşağıda bu müsahibənin qısa xülasəsi təqdim olunur və tam mətni müsahibənin yayımlandığı vaxtla eyni anda dərc ediləcək.
Prezident, Çinin inkişafını tamamilə məqsədyönlü, mütəxəssislərə əsaslanan, dəqiq proqramlaşdırılmış və tərifə layiq adlandıraraq deyib: On il əvvəl Pekinə etdiyim səfərlə müqayisədə bu şəhərdə böyük dəyişikliklər baş verib. Artıq əvvəlki kimi kəskin hava çirkliliyi, ağır tıxaclar və bənzər problemlər müşahidə olunmur.
Pezeşkian, Çin prezidentinin irəli sürdüyü qlobal idarəetmənin islahı proqramını dəyərləndirərək bildirib: Bu, sistemli bir təşəbbüsdür və yalnız bütünlüklə tam yerinə yetirildikdə uğur qazana bilər. Bu proqramın məqsədi dünyada çoxqütblü və ədalətə əsaslanan bir yanaşmanı təşviq etməkdir və mövcud ikili standartların aradan qaldırılmasına yönəlib. Elə bu ikili standartlar səbəbindən sionist rejim və onun tərəfdarları beynəlxalq hüquq və qaydaları pozmalarına baxmayaraq, insan hüquqlarını müdafiə etdiklərini iddia edə bilirlər.
O əlavə edib: Çinin birtərəfli yanaşmaya qarşı mübarizədə kənarında dayanan ölkələrin dəstəyini qazanması çox vacibdir. Bu yolda tamahkar hegemon dövlətlərin sanksiya kimi zalım siyasətlərlə bu ölkələri qorxudub bu mübarizədən uzaqlaşdırmasına imkan verilməməlidir.
Prezident, Kəmər və Yol təşəbbüsünü Çin Prezidentinin strateji baxışının məhsulu kimi dəyərləndirərək bildirib: Bu təşəbbüs sülh, təhlükəsizlik və tərəqqi üçün əməkdaşlığın genişləndirilməsinə xidmət edir.
Pezeşkian, “tətik mexanizminin” işə salınması (snapback – sanksiyaların avtomatik bərpası) ilə bağlı suala cavabında deyib: Bu məsələ, birtərəfli siyasəti dəstəkləyən ölkələrin tətbiq etdiyi ikili standartların bariz nümunəsidir. Eynilə, elə həmin ölkələr özləri (İranın nüvə proqramı üzrə razılaşma) Birgə Hərtərəfli Fəaliyyət Planını pozdiqları halda, İranı öhdəliklərinə əməl etməməkdə ittiham edirlər.
Prezident Pezeşkian, sionist rejimin İrana qarşı hərbi təcavüzü təkrarlamaq ehtimalı ilə bağlı suala belə cavab verib:
İran heç vaxt müharibə və qarışıqlıq istəməyib, lakin lazım olan zaman güclü şəkildə özünü müdafiə etmə qabiliyyətinə malik olduğunu dəfələrlə sübut edib.
O, Beynəlxalq Atom Enerjisi Agentliyi (BAEA) ilə əməkdaşlıq məsələsinə toxunaraq deyib:
Agentlik İranla səmimi davranmadı. Amma buna baxmayaraq, biz beynəlxalq qəbul olunmuş çərçivələr daxilində, ikili standartlardan uzaq bir şəkildə əməkdaşlığa hazırıq.
