ArxivIslammədəniyyatSONXƏBƏRLƏRSosialXəbər lentiXəbərlər

Nicat İbrahim 6,5 il azadlıqdan məhrum edilib

Bu gün, iyulun 22-də ictimai fəal Nicat İbrahimə hökm oxunub.

Qafqazagency.ir xəbər verir ki, Nicat İbrahim 6 il, 6ay azadlıqdan məhrum edilib.

Hökm Bakı Ağır Cinayətlər Məhkəməsində hakim Aygün Qurbanovanın sədrliyi ilə keçirilən prosesdə verilib.

Nicat İbrahim 2024-cü il sentyabrın 9-dan həbsdədir. O, ailəsi ilə birgə ölkədən çıxarkən hava limanında saxlanılıb. Onun sözlərinə görə, ölkədən buraxılmadığından, Daxili İşlər Nazirliyinin “102” xidmətinə zəng edərək nazirliyin qarşısında özünə qəsd edəcəyini dediyinə görə cəzalandırılıb.

O, bundan öncə 2020-ci ildə, Prezident Administrasiyasının qarşısında “İlham Əliyevə istefa” tələbi ilə etiraz aksiyası keçirməyə gedərkən saxlanılmışdı, koronavirus yayma ittihamı ilə 1 il 3 ay həbs cəzası almışdı.
Fəal Cinayət Məcəlləsinin 126.2.4-cü ( ümumi təhlükəli üsulla, xuliqanlıq niyyətiylə qəsdən sağlamlığa ağır zərər vurma) maddəsi ilə Bəhmən Əliyev adlı şəxsi bıçaqlamaqda təqsirli bilinir. Onun barəsində Cinayət Məcəlləsinin 221.3 (silah qismində əşyadan istifadə etməklə xuliqanlıq) maddəsi ilə irəli sürülmüş ittihama isə xitam verilib.

İyulun 21-də dövlət ittihamçısı Nicat İbrahimə 9 il cəza istəmişdi.

Nicat İbrahim məhkəmədən bəraət istəyib, özünü təqsirli bilmir.

Related Articles

Leave a Reply

Your email address will not be published. Required fields are marked *

Time limit is exhausted. Please reload the CAPTCHA.

Back to top button