Qafqazagency.ir xəbər verir ki, Gürcüstan Qafqaz regionunda dini müxtəlifliyi və tolerantlıq ənənəsi ilə seçilən ölkədir. Burada uzun illərdir ki, şiə müsəlmanlar Məhərrəm ayinlərini xüsusilə, Tasua və Aşuranı məscidlərdə və meydanlarda öz günündə, azad şəkildə qeyd edirlər. Bu mərasimlər, əsasən, Tbilisi, Marneuli, Qardabani və digər Azərbaycanlıların sıx yaşadığı bölgələrdə geniş miqyasda keçirilir.
Müsəlman ölkəsi Azərbaycanın inanclı vətəndaşları Məhərrəm və digər dini ayinləri zamanında və keyfiyyətli keçirmək istəyirlərsə Xrisiyan ölkəsi olan Gürcüstana səfər etsinlər.
Bəli, səhv eşitmədiniz: Müsəlman ölkəsindən Məhərrəm mərasimləri üçün Xristiyan ölkəsinə səfər! Paradoks da olsa, amma reallıq budur.
Gürcüstan uzun illərdir ki, Tbilisi, Marneuli, Qardabani kimi bölgələrdə Ramazan bayramı, Qurban bayramı, Qədirxum bayramı,Tasua və Aşura kimi mötəbər günləri sərbəst şəkildə qeyd edilir.
Küçə yürüşləri? Var.
Ehsan çadırları? Var.
Uşaqlar, gənclər, yaşlılar bir yerdə, birlikdə, icma şəklində? Əlbəttə, var!
Bəs müsəlman Azərbaycanda necədir?
Küçə yürüşləri?
-Çox gərək deyil, küçə asayişini pozur!
Ehsan çadırları?
-Olmaz, camaat zəhərlənər.
Uşaqların iştirakı?
-Olmaz!
Məhz o səbəbdən müsəlmanlar öz dinini rahat yaşamaq istəyirsə, Xristiyan ölkəsi Gürcüstana qonaq gəlməklə azad şəkildə mərasim keçirsinlər.
Gürcüstanın dini icmaları daha çox Azərbaycanlı qardaş-bacılarımızı qəbul etsin!
Turoperatorlar “Məhərrəm Turu” adı ilə xüsusi paketlər tərtib etsin!
Otellər, restoranlar, bazarlar dolsun-daşsın!
Əvəzində isə Azərbaycanda ictimai asayiş toxunulmaz qalsın, küçələr sakit olsun, İmam Hüseyn (ə) isə qonşuda yad edilsin!
Məhərrəm üçün Gürcüstana xoş gəldiniz!
