Qafqazagency.ir xəbər verir ki, Rusiya Baş nazirinin müavini, Ermənistanın Avropa İttifaqına üzvlük prosesinə reaksiya verərək bildirib: Yerevan bu qərarı müstəqil şəkildə qəbul etmək hüququna malikdir, lakin anlamalıdır ki, o, həm Rusiya, həm də özünün ən yaxın qonşusu olan İranla ticarət üstünlüklərini itirəcək.
Aleksey Overçuk, bazar günü, Rusiyanın Uzaq Şərqi, Vladivostokda keçirilən X rus “Şərq İqtisadi Forumu” çərçivəsində TASS xəbər agentliyinə verdiyi açıqlamada bildirib: Ermənistanın Avropa İttifaqına üzv olmaq istiqamətindəki səyləri davam edərsə, Rusiya bu ölkə ilə iqtisadi siyasətini yenidən dəyərləndirməli olacaq.
O qeyd edib: Ermənistanın hansı ittifaqlara üzv olacağına qərar vermək hüququ var, amma bu ölkənin rəhbərliyi bilməlidir ki, Avropa İttifaqına üzv olduqları təqdirdə, onlara tətbiq ediləcək gömrük tarifləri fərqli olacaq.
Rusiya Baş nazirinin müavini, həmçinin vurğulayıb: Ermənistan və Rusiya arasındakı ticarətdə gömrük tarifləri mövcud deyil, çünki hər iki ölkə Avrasiya İqtisadi İttifaqına üzvdür. Lakin, Yerevan Avropa İttifaqına üzv olarsa, artıq bu, ölkələr arasında gömrük vergisiz ticarətin mümkün olmayacağı anlamına gələcək.
Overçuk əlavə edib: Bu vəziyyət, xüsusən kənd təsərrüfatı sahəsindəki istehsalçılara böyük zərər verə bilər.
