“Milli iqtidar pulu xaricə verib silah almaq deyil, bu axmaqlıqdır” – Ayətullah Xamenei
“Milli iqtidar bu deyil ki, pulu xarici bir dövlətə verib, silah alasız. Bu axmaqlıqdır. Milli iqtidar bu deyil ki, dünyanın o başından bir dövlət durub gəlsin və buradakı bir ölkənin müdafiəsi üçün qərargah qursun. Daha sonra da millətin qanını sovurub, bir sülalənin hakimiyyətini qorusun. Bu iqtidar deyil. Bu zillətdir və alçalmaqdır. Güc və iqtidar gərək millətin içindən coşa”
Bunu İran İslam İnqilabının Ali lideri Ayətullah Seyid Əli Xamenei deyib.
Ayətullah Seyid Əli Xamenei bu gün Tehranda yerləşən İmam Hüseyn (ə) adına hərbi akademiyada çıxışı zamanı İranın gələcəkdə Amerika və müttəfiqləri qarşısında həyata keçirəcəyi planından söz açıb.
Ayətullah Xamenei İranın ABŞ və müttəfiqləri qarşısında gələcək plan haqda bunu deyib:
“Düşmənin proqramı qarşısında plan budur ki, biz xalqla olan bağlılıqlarımızı günbəgün möhkəmləndirəcəyik”
Ayətullah Xamenei bu çıxışında ABŞ-la müzakirə etmək təklifini verən cərəyanları da cavabsız qoymayıb:
O bildirib ki, ABŞ-ın istəklərinə təslim olmağın mənfi nəticələri, onun qarşısında durmağın çətinliklərindən daha çox və daha faciəlidir.
