Məhərrəm ayının təqvimi
Qafqaz mədəniyyət mərkəzi–Məhərrəmül-həram ayının daxil olması və Peyğəmbərin (s) övladının şəhadət günləri münasibətilə bütün şiələrə, Əhli-beyt (ə) aşiqlərinə, dünyanın azad insanlarına başsağlığı verir və Əba Abdullah Hüseynin (ə) qanlı qiyamının məhərrəm ayının birinci ongünlüyündə Aşura axşamına qədər baş verən hadisələrini qısa şəkildə sizə təqdim edirik.
Üçüncü gün
İmamın (ə) Kərbəlaya daxil olmasından bir gün sonra Ömər ibn Səd dörd min nəfərlik ordu ilə Kufədən xaric olur. (6)
İmam Hüseyn (ə) qəbrinin olacağı torpaqları 60 min dirhəmə satın alır. Onlarla şərt kəsir ki, insanlara ziyarət üçün yol göstərsinlər və onun zəvvarlarını üç gün qonaq saxlasınlar. (7)
Həmin günü Ömər ibn Səd, sözünü imam Hüseynə (ə) çatdırmaq üçün Kəsir ibn Abdullah adlı birini həzrətin yanına göndərir. Kəsir, çox ədəbsiz bir adam idi. O, Ömər ibn Sədə deyir: “Əgər istəyirsənsə elə həmin görüşdə Hüseyni öldürüm?” Ancaq Ömər qəbul etmir və deyir ki, indi belə bir qəsdim yoxdur. O, çadırlara yaxınlaşan zaman Əbu Səmamə Seydavi (Aşura günü namaz vaxtını imama xatırlatdı və həzrət onun barəsində dua etdi) imamın yanında idi. Əbu Səmamə onu görən kimi imama deyir: “Bu gələn şəxs dünyanın ən pis bəndəsidir.” Ona görə irəli gedib, Kəsirə deyir: “Qılıncını təhvil ver, sonra imamın (ə) yanına get.” Deyir: “Heç vaxt belə etmərəm.” Əbu Səmamə deyir: “Onda sən sözünü deyənə qədər mənim əlim qılıncının üzərində olacaqdır.” Deyir: “Heç vaxt.” Əbu Səmamə deyir: “Sözünü mənə de ki, mən imama çatdırım. Sən pis əməl sahibisən. Mən icazə vermərəm ki, imamın yanına gedəsən.”
O, qəbul etmədi. Qayıdıb, məsələni ibn Sədə dedi. Səd başqa birini göndərib, imamdan bura gəlməsinin səbəbini soruşur. Həzrət cavabında buyurur: “Kufə əhli məni dəvət edib və mənimlə əhd-peyman bağlayıb. Mən də ona görə Kufəyə tərəf gedirəm. Əgər istəmirsinizsə, geri qayıdım.” (8)
