Qafqazagency.ir xəbər verir ki,İran Ali Milli Təhlükəsizlik Şurasının katibi Əli Laricani bazar ertəsi (20 oktyabr 2025) deyib ki, Tehran və Bağdad iqtisadi əlaqələrin inkişafına böyük önəm verir və eyni zamanda İsrail rejimi və ABŞ-nin İraq torpaqlarından yenidən sui-istifadəsinin qarşısının alınması prioritet məsələdir.
Əli Laricani İraq Milli Təhlükəsizlik Müşaviri Qasim əl-Ərci ilə görüşdən sonra jurnalistlərə bildirib:
Əziz qardaşımız, İraq Təhlükəsizlik Şurasının Müşaviri cənab əl-Ərci İrana qonaq gəlib. İraq hökuməti bizim dost və qardaş ölkəmizdir və cənab əl-Ərci uzun illər bu sahədə təcrübəyə malikdir.
O əlavə edib: Görüş zamanı təhlükəsizlik məsələləri, iqtisadi əməkdaşlıq və mənim İraqa səfərim çərçivəsində aparılan müzakirələr ətraflı şəkildə qiymətləndirilib.
Laricani vurğulayıb ki, iqtisadi əlaqələrin davamlılığı üçün təhlükəsizlik məsələlərinə də xüsusi diqqət yetirilməlidir:
İraqın 12 günlük müharibədə göstərdiyi dəstəyə görə təşəkkürümüzü bildiririk. Ümumilikdə, onların siyasi mövqeləri qənaətbəxş olub və ölkələrimiz arasındakı əməkdaşlığın inkişafı üçün möhkəm zəmin yaradır.
