Kərbəlada Azərbaycan şəhidlərinin xatirəsinə anım mərasimi keçirilib (FOTO)

İraqın Kərbəla şəhərində azərbaycanlı tələbələrin təşkilatçılığı ilə Qarabağ döyüşlərində şəhid olan hərbçilərimizin xatirəsinə anım mərasimi keçirilib.

Qafqaz.ir  xəbər verir ki, Azərbaycan şəhidlərinə anım mərasimi Kərbəlada İmam Hüseynin (ə) ziyarətgahı kompleksində keçirilib.

Anım mərasiminə İraqın tanınmış din alimləri, müctəhidlərin nümayəndələri, İmam Hüseyn Ziyarətgahı İdarəsinin rəsmiləri və və bir sıra ictimai-siyasi xadimlər qatılıblar.

Anım mərasiminə gələnlər Azərbaycan şəhidlərinin və ikinci Qarabağ döyüşlərində Erməni vəhşiliyini ehtiva edən fotolardan ibarət sərgini ziyarət ediblər.

Mərasimdə ikinci Qarabağ döyüşündə Azərbaycanın haqq mövqeyi, son 30 ildə Ermənistanın işğal edilmiş ərazilərdə törətdiyi vəhşiliklər, xüsusilədə dini abidələrimizə qarşı törədilən dağıntılar və vəhşiliklər işıqlandırılıb.