İranın Azərbaycandakı səfirliyinin rəsmisi bəyan edib ki, İsrailin Bakıdakı səfirliyinin avtomobilləri qorxduqları üçün Bakıda saxta nömrələrdən istifadə edirlər.
Qafqazagency.ir xəbər verir ki, İran İslam Respublikasının Bakıdakı səfirliyinin mətbuat katibi İsrail rejiminin Bakıdakı nümayəndəsinin İranla bağlı yalan və iyrənc bəyanatlarını pisləyərək vurğulayıb: 80 illik biabırçı həyatı boyu daim öz qonşularına qarşı müharibəni qızışdıran, fələstinliləri və regionun digər xalqlarını terrora məruz qoyub qətlə yetirən saxta və işğalçı rejimin nümayəndəsi Azərbaycan və İran xalqları arasında çoxillik və dostluq münasibətlərini pozmaq istəyəcək qədər alçaqdır.
Behnam Məlikpur əlavə etdi: “Öz kölgəsindən qorxan və Bakıda saxta nömrələrdən istifadə edərək avtomobil idarə edən şəxsin özü də regionda və dünyada ictimai rəyin öz rejiminin cinayətlərinə və soyqırımına qarşı ikrah hissinin dərinliyindən xəbərdardır”.
İran İslam Respublikasının Bakıdakı səfirliyinin mətbuat katibi sionist rejimin işğal olunmuş Fələstində soyqırımının davam etməsinə toxunaraq, məzlum Fələstin xalqına yardım göstərmək və sionist cinayətkarların mühakimə olunması və cəzalandırılması üçün beynəlxalq ictimaiyyətin təcili addım atmasının vacibliyini vurğulayıb.
