İsrail ordusunun dünən Qəzza zolağında həyata keçirdiyi hücumlarda ən azı 99 fələstinli şəhid olub, onlardan 13-ü yardım paylama məntəqələrində olub.
Qafqazagency.ir xəbər verir ki, İsrail ordusu dünən səhər saatlarından Qəzza zolağının müxtəlif bölgələrinə hücumlarını davam etdirir.
Xəstəxana qaynaqlarından alınan məlumata görə, Qəzza şəhərinin cənubundakı Şücaiyyə məhəlləsində bir evi hədəf alan hücumda 12 fələstinli şəhid olub, bəzilərinin vəziyyəti ağır olmaqla çox sayda adam yaralanıb.
Şücaiyyə məhəlləsində daha bir ev bombalanıb, 2-si uşaq olmaqla daha 5 fələstinli şəhid olub.
Qəzza şəhərinin qərbindəki Şati Qaçqınlar Düşərgəsindəki bir evi hədəf alan hücumda 4 uşaq şəhid olub, digərləri isə yaralanıb.
Bundan əlavə, Qəzza şəhərinin qərbində mülki əhalini hədəf alan hava hücumunda 5 fələstinli şəhid olub, digərləri isə yaralanıb.
Şəhərin şimal-qərbindəki Kəramə bölgəsində bir evin bombalandığı hücumda bir ana və 2 uşağı olmaqla 5 fələstinli şəhid olub.
Qəzza şəhərinin mərkəzi hissəsində toplaşan fələstinli mülki vətəndaşları hədəf alan hücumda 2 nəfər şəhid olub.
İsrail ordusunun Qəzza zolağının şimalındakı Cibəliyyə Nezlə qəsəbəsinə təşkil etdiyi hücumda 3 fələstinli şəhid olub. Dağıntılar altında hələ də itkin düşənlərin olduğu bildirilir.
İsrail ordusunun Qəzza zolağının mərkəzi hissəsindəki Nusayrat Qaçqınlar Düşərgəsinin şimalındakı bir evə təşkil etdiyi hava hücumunda 6 nəfər, Deyr Bəlaxda bir evi hədəf alan hücumda isə 4 nəfər şəhid olub.
İsrail ordusunun Qəzza vadisi bölgəsinin cənubunda Səlahəddin küçəsində kömək gözləyənləri hədəfə aldığı hücumda 7 fələstinli şəhid olub, 2-si ağır olmaqla 18 nəfər yaralanıb.
Qəzza zolağının cənubundakı Rəfahın qərbində İsrail qüvvələrinin yardım gözləyənləri hədəfə aldıqları hücumda 3 fələstinli şəhid olub.
Qəzza zolağının cənubundakı Xan Yunisin müxtəlif bölgələrində İsrailin hücumlarında 2-si yardım gözləyən 5 fələstinli şəhid olub.
Qəzza zolağının müxtəlif bölgələrində son bir neçə saat ərzində həyata keçirilən hücumlarda 38 fələstinli şəhid olub.
Mayın 27-dən etibarən İsrail ABŞ-İsrailin rəhbərlik etdiyi “Qəzzaya Humanitar Yardım Fondu”nu aktivləşdirərək, Birləşmiş Millətlər Təşkilatı (BMT) və beynəlxalq yardım təşkilatlarının nəzarətindən kənarda qondarma yardım paylayır.
Lakin bu təşkilat BMT tərəfindən tanınmır və Fələstin qrupları tərəfindən rədd edilir. HƏMAS bu sistemi “ölüm tələləri” kimi təsvir edir.
İsrail martın 2-dən Qəzza zolağına daxil olan bütün quru sərhəd qapılarını bağlı saxlayıb. Yardım daşıyan yüzlərlə yük maşınının keçməsi qarşısı alınarkən, Kerem Əbu Səlim Sərhəd Qapısından yalnız məhdud sayda avtomobilin keçməsinə icazə verilir.
Bununla belə, Qəzzaya hər gün ən azı 500 yardım maşını lazımdır.
İsrail ordusunun 7 oktyabr 2023-cü il tarixindən bu yana hücumlarını davam etdirdiyi Qəzzada intensiv bombardmanlar, aclıq, məcburi köçkünlük və infrastrukturun dağıdılması nəticəsində böyük humanitar fəlakət yaşanır.
Beynəlxalq ictimaiyyətin və Beynəlxalq Ədalət Məhkəməsinin atəşkəs çağırışlarına baxmayaraq, İsrailin soyqırım həddinə çatan hücumları səngimək bilmir.
İsrail ordusunun mayın 27-dən etibarən Qəzzada ABŞ və İsrailin nəzarətində olan “Qəzza Humanitar Yardım Vəqfi”nin xətti ilə qurulan sözdə humanitar yardım paylama mərkəzlərinə təşkil etdiyi hücumlarda 549 fələstinli şəhid olub, 4066 nəfər isə yaralanıb.
