İranın Azərbaycan Respublikasındakı səfiri Müctəba Demirçilu ilə Azərbaycan Respublikasının Baş nazirinin müavini Şahin Mustafayev arasında görüş baş tutub.
Qafqazagency.ir xəbər verir ki, Görüşdə iki ölkə arasında iqtisadi əməkdaşlığın son vəziyyəti müzakirə olunub. Tərəflər ticarət, sərmayə qoyuluşu, nəqliyyat, enerji və infrastruktur layihələri sahəsində ikitərəfli əməkdaşlığın genişləndirilməsinin vacibliyini vurğulayıblar. Onlar eyni zamanda əvvəlki razılaşmaların icrasının sürətləndirilməsi və iki ölkənin iqtisadi potensialından daha səmərəli istifadə olunmasının zəruriliyini qeyd ediblər.
Sərhəd əməkdaşlığının gücləndirilməsi, azad zonalarda fəaliyyətin asanlaşdırılması, mal mübadiləsinin artırılması, nəqliyyat dəhlizləri, logistika mərkəzləri və sərhəd-keçid məntəqələri kimi birgə infrastruktur layihələrinin tamamlanması bu görüşdə müzakirə olunan əsas mövzulardan olub.
