Qafqazagency.ir xəbər verir ki, İran İslam Respublikasının Azərbaycan Respublikasındakı səfirliyinin mətbuat katibi Behnam Mələkpur, sionist rejimin işğalçı və aparteid səfirinin son mətbuat konfransında səsləndirdiyi təxribatçı və nifrət doğuran fikirləri qınayaraq bildirib:
“İran və Azərbaycan xalqları arasında mövcud olan dərin dostluq və mehribanlıq bağları o qədər möhkəmdir ki, soyqırımı törədən və irqçi bir rejimin xəbis və fitnəkar nümayəndələrinin təhrikləri ilə sarsıla bilməz.”
Mələkpur əlavə edib ki, tarixi Fələstin torpaqlarını işğal edərək, onun yerli sakinlərini qatliam və deportasiyaya məruz qoyaraq formalaşmış bu rejim, 80 illik mövcudiyyəti ərzində daima bölgədə terror, müharibə və dağıntı siyasəti yürüdüb. Belə bir rejimin, müsəlman və qonşu ölkələr arasında təfriqə salmaq istəməsi, təəccüblü deyil. Lakin bilməlidirlər ki:
“İran və Azərbaycan xalqları arasındakı dostluq və dini-mədəni bağlar, onların çirkin niyyətlərinə imkan verməyəcək qədər güclüdür.”
O həmçinin, Qəzzə zolağında davam edən qeyri-insani mühasirəyə, əhalinin qida və suya çıxışının qəsdən əngəllənməsinə də toxunaraq, bu vəziyyəti açıq şəkildə soyqırımı adlandıraraq deyib:
“Beynəlxalq ictimaiyyət, bu cinayətlərin dərhal dayandırılması üçün təcili şəkildə hərəkətə keçməli, sionist cinayətkarlar beynəlxalq məhkəmələrdə mühakimə olunmalıdır.
Xatırladaq ki, İsrailin Azərbaycandakı səfiri Corc Dik, Bakıda keçirdiyi bir mətbuat konfransında belə bir təxribatçı və düşməncəsinə ifadə işlətmişdi:
“Bu gün İranın zəifləməsi ilə dünya – o cümlədən Yaxın Şərq və Cənubi Qafqaz – daha təhlükəsiz olub.”
Bu açıqlama, İranın rəsmi dairələrində və ictimaiyyətində qəzəblə qarşılanmış, regionun sülh və sabitliyi üçün əsas təhdidin sionist rejim olduğu bir daha vurğulanmışdır.
