İran bu ilin ilk 6 ayında üç milyondan çox xarici turisti qəbul edib.
Qafqazagency.ir “mehrnews”ə istinadən xəbər verir ki, bu barədə İranın Mədəni İrs, Turizm və Sənətkarlıq Nazirinin müavini Ənuşirvan Mühsini məlumat verib.
Onun sözlərinə görə, “ölkəyə gələn turistlərin sayında artım ili yaxşı bir göstərici ilə başlayıb — mart ayında turist sayı 48 faiz artıb. Lakin sionist rejimin başladığı 12 günlük müharibədən sonra xarici turistlərin sayı azalıb”.
Mühsini bildirib ki, “İran bu ilin ilk altı ayı ərzində (mart–sentyabr 2025 dövründə) üç milyondan çox xarici turist qəbul edib və onların arasında ən çox ziyarətçi İraqdan gəlib”.
Nazir müavini əlavə edib ki, “xarici turistlərin 51 faizdən çoxu ölkəyə inanc turizmi məqsədilə səfər edir. İraq, Əfqanıstan və Pakistandan gələn ziyarətçilərin əksəriyyəti müqəddəs Məşhəd şəhərini ziyarət edirlər”.
O, həmçinin qeyd edib ki, İran yaxın illərdə səhiyyə turizmi sahəsində payını artırmağı qarşısına məqsəd qoyub.
