İran Azərbaycan və Ermənistan arasında sülh sazişinin tezliklə imzalanmasını istəyir.
qafqazagency.ir-un verdiyi xəbərə görə, bunu İran xarici işlər naziri Seyid Abbas Araqçi bu gün (17 may) Tehranda Ermənistan Təhlükəsizlik Şurasının katibi Armen Qriqoryanla görüşdə deyib.
Onun sözlərinə görə, İranın Azərbaycan və Ermənistanla yaxşı münasibətləri var. İran iki ölkə arasında sülh sazişini regional stabilliyin təsbit olunması və hərtərəfli inkişaf prosesinə kömək hesab edir.
Araqçi deyib ki, İran bu sənədin imzalanması və icra olunması prosesinin sürətləndirilməsinə kömək məqsədilə heç bir səyini əsirgəməyəcək.
