Bölgədə sülhün və sabitliyin bərpası üçün Tehran ilə Moskva arasında ikitərəfli əməkdaşlığın inkişafı və davam etdirilməsi böyük əhəmiyyət kəsb edir.
Qafqaz.ir -un MehrNews-a istinadən verdiyi xəbərə görə, bunu İran parlamenti sədrinin beynəlxalq məsələlər üzrə xüsusi köməkçisi Hüseyin Əmir-Abdollahiyan Rusiyanın İrandakı səfiri Levan Jaqaryan ilə görüşü zamanı deyib.
Tərəflər İran İslam Respublikası ilə Rusiya Federasiyası arasındakı strateji münasibətləri müzakirə edib.
Hüseyin Əmir-Abdollahiyan bildirib ki, İran parlamenti üçüncü parlament məsləhətləşmələrini Tehranda keçirməyə hazırdır.
Rusiya səfiri öz növbəsində qeyd edib ki, iki ölkə arasında müxtəlif sahələrdə dostluq əlaqələri Tehran-Moskva maraqlarının təmin edilməsində mühüm rol oynayır.
