İran İslam Respublikasının Azərbaycan Respublikasındakı səfiri deyib: Tehran və Bakı arasında mövcud mədəni, tarixi və dini ortaqlıqlar iki ölkə arasında iqtisadi inkişafın önəmli amilidir.
İRNA-nın məlumatına görə, İranın Azərbaycandakı səfiri Cavad Cahangirzadə cümə axşamı günü İran Dövlətinin Dialoq Şurası və Qərbi Azərbaycan vilayətinin özəl sektorunun iclasında əlavə edib: Bu vilayətin iqtisadi fəalları sənaye, kənd təsərrüfatı və ticarət sahələrində Azərbaycan Respublikasının iqtisadi fəalları ilə əməkdaşlıq edə bilərlər.
İranın Bakıdakı səfiri deyib: İran və Azərbaycan Respublikası arasında çox münasib siyasi atmosfer vardır. Bu münasib şəraitdə iki ölkənin anlaşdığı önəmli və təsiredici layihələr izlənilməlidir.
Cahangirzadə deyib: İran və Azərbaycanın Astara-Astara dəmiryolu önəmli layihələrdən biridir. Belə ki, yaxın gələcəkdə iki ölkənin iqtisadi çiçəklənməsində önəmli rolu oynaya bilər.
