Möhtərəm İran İslam İnqilabının Rəhbəri “ictimai və ailəvi rəftarda ədalət”i qadınların ilk haqqı kimi qeyd edərək, dövlətin və bütün cəmiyyət üzvlərinin bu haqqı təmin etmək vəzifəsinə vurğu etdilər və buyurdular: “Təhlükəsizliyin, hörmətin və kərmətin qorunması” da qadınların əsas hüquqlarındandır.
Həzrət Ayətullah Xamenei bu gün – çərşənbə günü – ölkənin müxtəlif bölgələrindən minlərlə qadın və qızla görüşdə, Siddi-qeyi Kubra Həzrət Fatimeyi-Zəhranı (s.ə) bütün sahələrdə ən yüksək xüsusiyyətlərlə bəzənmiş arşi bir insan adlandırdılar və İslamın ev və cəmiyyət mühitində qadının məqamı və hüquqlarına baxışını şərh edərək, kişilərin həyat yoldaşlarına və ümumən qadınlara qarşı rəftarında olan vacib və qadağan məsələləri izah etdilər.
Həzrət Ayətullah Xamenei “ibadət və xuşu, fədakarlıq və insanlar üçün keçinmə, çətinliklərə dözümlülük, məzlumun haqqını müdafiə, maarifləndirmə və həqiqətləri bəyan etmə, siyasi anlayış və əməl, evdarlıq, həyat yoldaşına dəstək və övlad tərbiyəsi, İslamın ilk dövrlərinin mühüm hadisələrində iştirakı” kimi iki aləmin xanımının saysız-hesabsız fəzilətlərinə işarə edərək buyurdular: İran qadını çox şükür ki, tarix boyu bütün qadınların sərvəri olan bu Günəşdən örnək alır və onun məqsədləri istiqamətində hərəkət edir.
O həzrət İslamda qadının məqamını çox yüksək hesab edərək əlavə etdilər: Quranda qadının kimliyi və şəxsiyyəti barədə olan ifadələr ən ali və ən tərəqqipərvər ifadələrdir.
Rəhbər Qurani-Kərimin “insan və tarix səhnəsində qadın və kişinin bərabər rolu və hər ikisinin mənəvi kamala çatmaq üçün bərabər imkanları”na dair ayələrinə işarə edərək buyurdular: bu həqiqətlər dini yanlış anlayan dindarlarla və ümumən dini qəbul etməyənlərlə ziddiyyət təşkil edir.
O həzrət İslamın cəmiyyətdə qadın hüquqlarına dair məntiqini açıqlayaraq vurğuladılar: sosial fəaliyyətlərdə, ticarət və işgüzarlıqda, siyasi fəaliyyətdə, bir çox idarəetmə və dövlət vəzifələrinə çatmaqda və digər sahələrdə qadın kişi ilə bərabər hüquqlara malikdir və mənəvi səy, şəxsi və ictimai inkişaf yolunda irəliləmək üçün imkanları açıqdır.
Ayətullah Xamenei İslamın batil kapitalist-Qərb mədəniyyətini tamamilə rədd etdiyini bildirərək buyurdular: qadının məqamını qorumaq və çox güclü və təhlükəli cinsi meyilləri cilovlamaq üçün İslamda “qadın–kişi münasibətləri, hər iki cinsin örtünməsi, hicab və evliliyə təşviq” barədə müəyyən hökmlər və məhdudiyyətlər vardır ki, bunlar qadının təbiətinə və cəmiyyətin əsl ehtiyaclarına tam uyğundur. Halbuki Qərb mədəniyyətində dağıdıcı və sonsuz cinsi meyillərin cilovlanması heç nəzərə alınmır.
Rəhbər buyurdular ki, qadın və kişi İslamda bir-birini tamamlayan iki ünsürdür; onların çoxlu ortaq cəhətləri olsa da, bədən və təbiətdən qaynaqlanan bəzi fərqləri vardır və bu “iki tamamlayıcı ünsür” bəşər cəmiyyətinin idarəsində, insan nəslinin davamında, mədəniyyətin inkişafında və cəmiyyətin ehtiyaclarının təminində mühüm rol oynayırlar.
O həzrət ailə qurmağı bu həyati rolun ən mühüm mərhələlərindən biri kimi qeyd edərək buyurdular: yanlış Qərb mədəniyyətində ailənin unudulmasının əksinə olaraq, İslamda “qadın, kişi və övlad” kimi ailənin əsas üzvləri üçün qarşılıqlı və müəyyən hüquqlar nəzərdə tutulmuşdur.
Rəhbər çıxışlarının qadın hüquqlarına aid bölümündə “ictimai və ailəvi rəftarda ədalət”i qadınların birinci haqqı adlandıraraq, dövlət və cəmiyyətin bu haqqı təmin etmə vəzifəsinə vurğu etdilər və buyurdular: “təhlükəsizlik, hörmət və kərmətin qorunması” da qadınların əsas hüquqlarındandır və Qərb kapitalizminin qadının kərmətini tapdalamasının əksinə olaraq İslam qadına tam hörmət göstərilməsini vacib sayır.
O həzrət Peyğəmbərdən (s) nəql olunan “qadın gül kimidir, ev işlərini görmək üçün vəzifələndirilmiş bir məmur deyil” hədisinə işarə edərək buyurdular: bu baxışa görə kişilər qadınla sərt danışıqdan uzaq durmalı və gül kimi ona nəvazişlə yanaşmalıdırlar ki, o da evə öz rəng və ətirini bəxş etsin.
Həzrət Ayətullah Xamenei Quranda iki mömin qadının – Məryəm və Asiyanın (Fir’onun həyat yoldaşı) nümunə göstərilməsini həm kişilər, həm də qadınlar üçün bir meyar hesab edərək buyurdular: qadının sosial hüquqları, o cümlədən eyni iş üçün kişi ilə bərabər əməkhaqqı, işləyən və ya ailə başçısı olan qadınların sığortası, qadınlara xüsusi məzuniyyətlər və digər onlarla məsələ ayrıseçkilik olmadan təmin edilməlidir.
O həzrət qadının evdəki ən mühüm haqqının “həyat yoldaşının məhəbbəti” olduğunu qeyd edərək buyurdular: digər mühüm haqqı isə “qadına hər cür zorakılığın rədd edilməsi” və Qərbdə geniş yayılmış qadınların öldürülməsi və ya döyülməsi kimi sapmalardan tam uzaq durulmasıdır.
Rəhbər “ev işlərinin qadına məcburi yüklənməməsi”, “həyat yoldaşının övlad dünyaya gətirməyin nəticələrində qadına yardım etməsi” və “qadının elmi və peşəkar inkişaf yolunun açıq saxlanması”nı qadının digər əsas hüquqları kimi sadalayaraq buyurdular: qadın evin idarəçisi və rəhbəridir və kişilər qadınların ailəni maddi sıxıntılara baxmayaraq məharətlə idarə etməsinə görə onlara təşəkkür etməlidirlər.
O həzrət kapitalizmlə İslamın qadına baxışı arasındakı fərqi izah edərək buyurdular: İslamda qadın müstəqillik, bacarıq, kimlik və irəliləmə imkanı sahibidir, lakin kapitalist baxışı qadını kişiyə tabe olan, kimliyi kişidə həll olan, şərəfi və hörməti qorunmayan və sadəcə bir istismar aləti kimi görür. ABŞ-da son zamanlar hay-küyə səbəb olan cinayətkar şəbəkələr də bu yanlış baxışın nəticəsidir.
Ayətullah Xamenei “ailə institutunun dağıdılması”, atası bilinməyən uşaqların artması, qızların ovlandığı dəstələrin meydana çıxması və “azadlıq” adı ilə artan əxlaqsızlığın Qərb kapitalizminin son iki əsrdəki böyük günahları olduğunu bildirərək buyurdular: Qərb kapitalizmi bu böyük fəsadlara hiyləgərliklə “azadlıq” adı qoyur və hətta ölkəmizdə də bunu yaymağa çalışırlar, halbuki bu azadlıq deyil, əsarətdir.
O həzrət Qərbin öz yanlış mədəniyyətini dünyaya ixrac etməkdəki israrına işarə edərək buyurdular: onların “hicab kimi məhdudiyyətlər qadının inkişafına mane olur” iddiasını İran İslam Respublikası batil etmiş və göstərmişdir ki, müsəlman və hicablı qadın bütün sahələrdə başqalarından daha artıq fəaliyyət göstərə və rol oynaya bilər.
Rəhbər qadınların elmi, idman, fikri, araşdırma, siyasi, ictimai, sağlamlıq və tibbi sahələrdə, həyat ümidində və möhtəşəm şəhid ailələrinin fədakar dəstəklərində misilsiz nailiyyətlər əldə etdiyini bildirərək buyurdular: İran tarixində heç vaxt bu qədər alim, düşüncə sahibi və fikir adamı qadın olmamışdır və bu inkişafı mümkün edən məhz İslam Respublikası olmuşdur.
O həzrət mühüm bir tövsiyə olaraq medianı Qərb kapitalizminin qadına dair yanlış fikirlərini yaymaqdan çəkindirdilər və buyurdular: hicab, qadın–kişi əməkdaşlığı və digər məsələlər müzakirə edilərkən, daxili media Qərbin sözlərini təkrarlamamalı, əksinə İslamın dərin və təsirli baxışını içəridə və beynəlxalq səviyyədə gücləndirməlidir. Bu, İslamın ən yaxşı təbliğ yoludur və dünyanın, xüsusilə qadınların, İslama meylini artıracaqdır.
Rəhbərin çıxışından əvvəl “Şəhid Sərdar Qülaməli Rəşidin həyat yoldaşı və şəhid Əmin-Abbas Rəşidin anası” və həmçinin şəhid Sərdar Hüseyn Səlaminin qızı qadınlar, onların vəzifələri və ehtiyacları barədə danışdılar.
