“Biz Allahın köməyi ilə yerli silah istehsalına Ənsarullahın Sənaya daxil olmasından və Səudiyyə Ərəbistanının Yəmənə qarşı hücumlarından əvvəl başlamışdıq. Biz deyirik ki, Ənsarullah yalnız özünün istehsal etdiyi silahlarla mübarizə aparır”.
Qafqazagency.ir xəbər verir ki, bu barədə Yəməndəki Ənsarullah hərəkatının (husilər) İran üzrə xüsusi nümayəndəsi Əhməd əl-İmam Qərbin İranın Yəmənə silah göndərməsi ilə bağlı iddialarına cavab olaraq bildirib.
O, bölgədəki son hadisələrə toxunaraq əlavə edib: “İlk növbədə, 12 günlük müharibədə qazandığı qələbəyə görə İran İslam Respublikasını təbrik edirəm.”
Ənsarullah rəsmisi “Müqavimət cəbhəsinin əsas güc mənbələrindən biri yerli silah istehsalındakı özünütəmindir. Bəs ABŞ-nin İranı Yəmənə silah göndərməkdə yenidən ittiham etməsinə qarşı cavabınız nədir?” sualına cavab olaraq vurğulayıb:
“Bizim silahlarımız ölkə daxilində, xalqımızın imkanları ilə və müstəqil şəkildə istehsal olunur. Ənsarullah döyüş meydanında yalnız öz istehsalı olan silahlarla vuruşur”.
