Qafqazagency.ir xəbər verir ki, Hizbullah hərəkatının baş katibi şeyx Nəim Qasim, şəhid Seyid Həsən Nəsrullah və Seyid Haşim Səfiəddin – Hizbullahın iki sabiq baş katibi – şəhadətlərinin ildönümü münasibətilə çıxış edərək bildirib: Heç vaxt döyüş meydanlarını tərk etməyəcəyik və silahımızı yerə qoymayacağıq.
Şeyx Nəim Qasim, Hizbullahın baş katibi kimi, Seyid Həsən Nəsrullah və Seyid Haşim Səfiəddin şəhadətlərinin birinci ildönümündə çıxış edib.
O çıxışında deyib: Ümmətin şəhidlərinin rəhbəri – şəhid Seyid Həsən Nəsrullahın vəfatı acı və ağrılıdır, lakin o, hələ də aramızdadır və varlığı nur saçır. Hizbullahın yolu sənin düşüncən, ruhun və qanınla quruldu və bu yol qalib gələcək. Müqavimət bayrağı bu yolun simvoludur.
Müqavimətin qələbələri – sabitlik və davamlılıqdır və bu yolun davamçılarının payına ya qələbə, ya da şəhidlik düşür.
O əlavə edib: Biz səndən sonra da əhdimizə sadiq qalacağıq, bu əmanəti daşıyacağıq və heç vaxt döyüş meydanlarını tərk etməyəcəyik, silahımızı yerə qoymayacağıq.
