Qafqazagency.ir xəbər verir ki,Hizbullah Siyasi Şurasının sədr müavini vurğulayıb ki, bu hərəkat Nəvvaf Səlam hökumətinin müqaviməti silahsızlaşdırmaqla bağlı qərarını icra etməyəcək və onu sadəcə kağız üzərindəki mürəkkəb kimi dəyərləndirir.
Livan Hizbullahının Siyasi Şura sədr müavini Mahmud Qomati bildirib ki, Hizbullah Livan hökumətində iştirakını davam etdirmək məsələsində öz variantlarını araşdırır.
O, qeyd edib ki, Livan hökumətinin son qərarı daxili gərginlikləri artırmayacaq, amma “bu qərar heç bir halda icra olunmayacaq və bizim üçün qəbuledilməzdir.”
Qomati vurğulayıb: “Biz hökumətin qərarını faydasız və bizim üçün heç bir dəyəri olmayan kağız üzərindəki mürəkkəb hesab edirik.”
Nəvvaf Səlamın başçılıq etdiyi Livan hökuməti çərşənbə günü keçirilən iclasda ölkə ordusunu ilin sonunadək (31 avqust 2025-dən əvvəl) silahın yalnız dövlətin əlində cəmlənməsi və silahlı qrupların, xüsusilə də Hizbullahın silahlarının məhdudlaşdırılması üçün icra planı hazırlamağa məcbur edib.
Bu qərar Prezident Cozef Aunun rəhbərliyi ilə Bəabda sarayında keçirilən qalmaqallı iclasda qəbul edilib. Bu addım beynəlxalq təzyiqlərin, xüsusilə də ABŞ tərəfindən Hizbullahın silahsızlaşdırılması istiqamətində artdığı bir vaxtda atılıb. ABŞ və müttəfiqləri, xüsusilə maliyyə yardımlarını silahsızlaşdırma şərti ilə bağlamaq yolu ilə, müqavimət oxunu zəiflətmək və Livana xarici iradə və istəklərini sırımaq məqsədi güdürlər.
ABŞ və müttəfiqləri Hizbullahın silahsızlaşdırılmasını Livana maliyyə yardımı və bərpa prosesinin ilkin şərti kimi irəli sürüblər. Mətbuat məlumatına görə, ABŞ Livan hökumətinə bildirib ki, Hizbullahın əlində silah olduğu müddətcə İsrailin Cənubi Livandakı işğal olunmuş ərazilərdən çıxması üçün heç bir təzyiq göstərməyəcək.
