Qafqazagency.ir “mehrnews”ə istinadən xəbər verir ki, Livanın “Hizbullah” hərəkatının Baş katibi Şeyx Naim Qasim Aşura günü münasibəti ilə çıxış edərkən gündəmdəki məsələlərə toxunub.
“Xalqımız bu il əvvəlki illərlə müqayisədə daha coşqulu bir şəkildə Aşura mərasimlərinə qatılıb. Biz bu mərasimlərə sadəcə yas, əzadarlıq üçün deyil, Həzrəti İmam Hüseynin (ə) müqavimət yoluna bağlılığımızı yeniləmək üçün qatılırıq“, – deyə o qeyd edib.
Şeyx Naim Qasim deyib ki, İsrailin davam edən hücumlarına baxmayaraq, “Hizbullah” müqaviməti tərk etməyəcək:
“Bizə silahımızı yerə qoymalı olduğumuzu deyirlər. Halbuki hücum edən tərəf biz deyilik. Biz müdafiədəyik. Bu torpaqları qorumaq üçün buradayıq. Şəhidlərin qanı üzərimizdəki əmanətdir“.
Livan müqavimətinin lideri İsrailin atəşkəs rejimini dəfələrə pozduğunu xatırladaraq bildirib ki, belə bir şəraitdə silahı yerə qoymaq çağırışları real deyil.
Qərbdən və İsraildən gələn təhdidlərə toxunan “Hizbullah” rəhbəri vurğulayıb ki, “biz döyüş meydanının adamlarıyıq. Lakin əsla təslim olmarıq. Müqavimət silahlarımız bizim şərəfimizdir və biz şərəfsiz bir normallaşmaya əsla razılıq verməyəcəyik“.
“Partiyamız (olan “Hizbullah” nə təsirsizdir, nə də yalnız. Müqavimət cəbhəsi tək bir yumruq kimidir. “Hizbullah” və “Amal” hərəkatı birlikdədir“, – deyə Şeyx Naim Qasim əlavə edib.
O, İran İslam İnqilabının Ali lideri Ayətullah Xameneinin timsalında İran və İran xalqının müqavimətə dəstəklərini təqdir edərək bildirib ki, “əziz rəhbərimizin sayəsi üzərimizdədir” və əlavə edib ki, İran xalqının səbir və əzmi sayəsndə İsrail öz hədəflərinə nail ola bilmədi.
