Ailəsinin məlumatına görə, Fazil Qasımov saxlanıldığı müəssisədə pis rəftara məruz qalıb
Qafqazagency.ir- İqtisadçı Qubad İbadoğlunun həbsindən sonra Türkiyədə saxlanılaraq Azərbaycana gətirilən və onunla eyni cinayət işi üzrə ittiham olunan İstanbul Universitetinin doktorantı Fazil Qasımov aclıq aksiyasını davam etdirir.
Ailəsinin məlumatına görə, Fazil Qasımov saxlanıldığı Penitensiar Xidmətin Umbakı Cəzaçəkmə Müəssisəsində pis rəftara məruz qalıb.
Üstəlik, onun apellyasiya şikayəti müəssisənin dəftərxanasından yoxa çıxıb. Buna etiraz olaraq, mayın 10-dan aclığa başlayıb.
Vəkili Nemət Kərimli də Fazil Qasımlının aclıq etdiyini təsdiqləyib.
Fazil Qasımov 2024-cü ilin martında 9 il müddətinə azadlıqdan məhrum edilib.
O, bundan əvvəl də, 2024-cü ilin iyununda həbsinə etiraz olaraq aclıq elan etmişdi.
İqtisadçı Qubad İbadoğlu 2023-cü il iyulun 23-də tutulub, avqustun 8-də isə Fazil Qasımov İstanbulda saxlanılaraq Bakıya gətirilib. Fazil Qasımov Qubad İbadoğluna qarşı açılmış cinayət işinin istintaqı çərçivəsində saxlanılıb, Cinayət Məcəlləsinin 204.3.1-ci maddəsi ilə ittiham olunub (satış məqsədilə saxta pul və ya xarici valyuta əldə etmə və ya satma, o cümlədən mütəşəkkil dəstə tərəfindən törədilən eyni əməllər).
1990-cı il təvəllüdlü Fazil Qasımov özünü təqsirli bilmir və ona qarşı irəli sürülmüş saxta pul ittihamının yalan olduğunu bildirir.
Qubad İbadoğlu 2024-cü il aprelin 22-də həbsdən ev dustaqlığına buraxılıb.
