Qafqazagency.ir xəbər verir ki, Gürcüstan Mərkəzi Seçki Komissiyası (MSK) yaxınlaşan bələdiyyə seçkiləri ilə bağlı məlumat yayıb.
Qurumun açıqlamasında bildirilir ki, 4 oktyabr 2025-ci ildə keçiriləcək seçkilərdə iştirak üçün 12 siyasi partiya və onların siyahıları qeydiyyata alınıb.
MSK-nın məlumatına görə, Tbilisidə 9 nəfər merliyə namizəd kimi qeydə alınıb. Ümumilikdə ölkənin müxtəlif bölgələrində 63 bələdiyyədə 112 nəfər mer postuna iddialıdır. Bundan əlavə, təşəbbüs qruplarının təqdimatı əsasında 32 majoritar namizəd də seçkilərə qatılacaq.
Komissiya həmçinin bildirib ki, seçki prosesinin şəffaflığını artırmaq və iştirakçılar üçün daha əlçatan etmək məqsədilə namizədlərin qeydiyyatı prosedurları sadələşdirilib.
Xatırladaq ki, qarşıdan gələn seçkilərdə Sakrebulo (bələdiyyə şuraları), şəhər və icma merləri, eləcə də majoritar namizədlər üzrə səsvermə keçiriləcək.
