Hakimiyyətin devrilməsi ilə bağlı ictimai çağırışlara görə cəza düşür.
Qafqazagency.ir xəbər verir ki,bu barədə Gürcüstan Dövlət Təhlükəsizlik Xidmətinin (DTX) başçısı Mamuka Mdinaradze bəyan edib.
O əlavə edib ki, bu baxımdan da bu cür hərəkətlərə görə həbslərin olması təbiidir.
Mdinaradze vurğulayıb ki, istənilən çevriliş çağırışı, hətta gözəl sözlərlə bəzədilmiş çağırışlar da cinayət tərkiblidir.
Xatırladaq ki, DTX 1 oktyabrda Tbilisi şəhər şurasının (sakrebulo) deputatı və müxalif “Vahid Milli Hərəkat” partiyasının üzvü olan Zviad Kupravanı çevriliş və qarşıdakı seçkilərin pozulması çağırışlarına görə tutub. Daha öncə isə VMH siyasi şurasının sədri Levan Xabeişvili də oxşar səbəbə görə tutulub. Bir sıra müxalifətçi liderlər seçkilər günü – 4 oktyabrda genişmiqyaslı aksiya keçirəcəklərini və həmin gün “dinc çevriliş” edəcəklərini bildirib.
