Ermənistanın Baş naziri Nikol Paşinyan Ermənistan ilə Azərbaycan arasında vətəndaşların və yüklərin qarşılıqlı keçidi məsələsinin hələ də dəqiqləşdirilmədiyini deyib.
Qafqazagency.ir xəbər verir ki,Hökumət iclasından sonra jurnalistlərə açıqlama verən Paşinyan qeyd edib ki, bu mövzuda iki ölkə arasında müxtəlif təkliflər müzakirə olunur.
Paşinyan xüsusilə biometrik pasportlarla səyahət edən şəxslərin bəzi ölkələrdə sərhəd keçidində avtomatik yoxlama sistemləri vasitəsilə keçid etdiyini vurğulayıb. Lakin o, həmçinin qeyd edib ki, Ermənistan və Azərbaycanın əraziləri arasında hərəkətlər qarşılıqlı əsasda həyata keçiriləcək və hər iki tərəf eyni şərtlərlə keçidləri təmin edəcək.
Əgər Ermənistanın Konstitusiya Məhkəməsi Azərbaycanla imzalanacaq sülh müqaviləsini Konstitusiyaya zidd hesab edərsə, Paşinyan bununla bağlı konstitusiya dəyişikliyinə gediləcəyini bildirib.
