Qafqazagency.ir xəbər verir ki,Xarici işlər naziri İran və Azərbaycan Respublikası arasında sərnişin sərhədinin yenidən açılmasının son vəziyyəti barədə məlumat verib.
Abbas Əraqçi iki günlük Şərqi Azərbaycan səfərinin sonunda jurnalistlərə açıqlamasında deyib: Son bir il ərzində ölkə prezidentimizin Azərbaycan Respublikasının prezidenti ilə keçirdiyi hər görüşdə, eləcə də mənim Azərbaycan Respublikasının xarici işlər naziri ilə danışıqlarımda və iki ölkə rəsmiləri arasında baş tutan bütün təmas və səfərlərdə bu sərhədin sərnişin keçidi üçün bağlı qalması məsələsi gündəmə gətirilib.
O bildirib ki, Azərbaycan tərəfi bütün sərhədlərinin bağlı olduğunu və bunun yalnız İrana aid olmadığını iddia edir. Əraqçinin sözlərinə görə, Azərbaycan Respublikası məsələni araşdırıb yenidən baxılacağına dair vəd verib və İran tərəfi hələ də bu məsələ ilə bağlı nəticəni gözləyir.
