Bismillahir-Rəhmanir-Rəhim
Qafqazagency.ir xəbər verir ki,Məhərrəm və Səfər ayları — İmam Hüseynin (ə) mübarək adı ilə bağlı matəm günləri — İslam dünyasında olduğu kimi, Azərbaycan xalqı üçün də dərin mənəvi əhəmiyyət kəsb edir. Bu aylar sadəcə dini mərasimlər deyil, həm də milli-mənəvi dəyərlərimizin ayrılmaz bir hissəsidir.
Təəssüflə qeyd etməliyik ki, bu il Ərbəin günü bir neçə dindar qadın yalnız İmam Hüseyn (ə) xatirəsinə ehsan payladıqlarına görə həbs edilmişdir. Belə addım hüquqi baxımdan əsassız olmaqla yanaşı, həm də dini etiqad azadlığına ziddir. Azərbaycan Respublikasının Konstitusiyası hər bir vətəndaşa vicdan azadlığını, öz inanc və etiqadını sərbəst ifadə etmək hüququnu təmin edir.
Əqidəsinə, inancına görə qadınların həbs olunması heç bir hüquqi, insani və mənəvi prinsiplə uzlaşmır. Belə hadisələr cəmiyyətimizdə süni gərginlik yaratmaqdan başqa bir nəticə vermir və xalqımızın dini-mədəni kimliyinə hörmətsizlikdir.
Hacı Zülfüqar Mikayılzadə
