Qafqazagency.ir xəbər verir ki, Milli Təhlükəsizlik Ali Şurasının katibi Əli Laricanı verdiyi bir müsahibədə vurğulayıb: Əgər düşmən diplomatiya meydanını teatr və tamaşa səhnəsinə çevirsə, bu diplomatiyadan bir nəticə çıxmayacaq.
O əlavə edib: Əgər diplomatiyadan məqsədləri başqa bir işə bəraət qazandırmaqdırsa, aydındır ki, bu, mahiyyət etibarilə diplomatiya deyil və əslində ondan istifadə etmək niyyətində deyillər.
Laricani qeyd edib: Lakin əgər diplomatiya bu məqsədlə olsa ki, müharibədən bir şey əldə etmədiklərini başa düşüb sülh axtarışına çıxsınlar, bu artıq həqiqi diplomatiyadır.
O açıq şəkildə bildirib: Mən hazırkı vəziyyəti belə görmürəm; yəni hiss edirəm ki, onların hazırkı diplomatiyası bəhanə yaratmaq üçün aparılan bir diplomatiyadır; amma bununla yanaşı demək olmaz ki, biz diplomatiyanı tamamilə dayandırırıq.
Milli Təhlükəsizlik Şurasının katibi sözlərinə belə davam edib: Danışıqlar o zaman nəticə verər ki, qarşı tərəf başa düşsün ki, müharibənin bir xeyri yoxdur və məsələləri danışıqlar yolu ilə həll etmək lazımdır; Lakin əgər danışıqlardan başqa bir əməliyyat üçün bəhanə kimi istifadə etmək niyyətindədirlərsə, bu, düzgün bir danışıqlar deyil.
O vurğulayıb: bu mövzuda bizim şərtimiz odur ki, həqiqi danışıqlar aparılsın. Əgər müharibə axtarırsınızsa, gedin işlərinizi görün, nə vaxt peşman oldunuz, gəlin danışıqlar aparaq; amma əgər doğrudan da bu nəticəyə gəlmisinizsə ki, bu fədakar və müqavimətli milləti müharibə ilə təslim edə bilməzsiniz, və bu müharibədə başa düşmüsünüz ki, “iranlılar təslim olan deyil”, o zaman həqiqi danışıqlara başlamaq olar.