Əlcəzairli mütəfəkkir bildirib: Biz İslam aləmində hamımız rəhbərimiz İmam Xamenei-nin arxasındayıq, bütün gücümüzlə ona və yoluna dəstək veririk. Allaha and olsun ki, biz bu yola canımızı fəda etməyə və şəhid kimi Rəbbimizə qovuşmağa hazırıq.
Təsnim xəbər agentliyinin Qumdan verdiyi xəbərə görə, Əlcəzairli mütəfəkkir Yəhya Əbu Zəkəriyya “İzzət Cəbhəsinin Vəhdət Ümməti” adlı üçüncü virtual toplantıda dedi:
“İslam Respublikası İran sübut edib ki, o İslamla və İslam üçün yaşayır. Bu böyük millət isə, təməli Rəsul Əkrəm (s.ə.s), Əhli-Beyt (ə.s) və saleh fəqihlər – İmam Xomeynidən (r.ə) tutmuş, tam bəsirət, zəka, dahilik, media gücü və cəsarətlə bu yürüşə rəhbərlik edən möhtərəm rəhbər Ayətullah Seyid Əli Xamenei-yə qədər – tərəfindən qoyulmuş bir millətdir.”
O əlavə etdi: “Tarix çox tezliklə yazacaq ki, bu böyük millət, qlobal istikbara qarşı ya təhqirə boyun əyməyən, ya da təslim olmayan bir millətdir. Fələstinlilər zəiflədilib qətliama məruz qalanda, Livan, Yəmən və Mərakeşdən İndoneziyaya qədər bütün müsəlmanlar hücuma məruz qalanda bu millət ayağa qalxaraq, orijinal Məhəmmədi İslamı müdafiə etdi və çağdaş dövrdə – xüsusilə ərəb və müsəlman hökmdarlarının xəyanəti və ABŞ ilə İsrailə qarşı qeyd-şərtsiz təslimi fonunda – misilsiz bir qəhrəmanlıq salnaməsi yazdı.”
Əlcəzairli mütəfəkkir qeyd etdi: “İran Allahın dininin zəfəri üçün dini vəzifəsini yerinə yetirib. İran xalqı haqqında danışanda onların səbrindən, müqavimətindən, mübarizəsindən və zəka səviyyəsindən danışmaqla haqlarını ödəyə bilmərik. Bu böyük millətin ləyaqətini göstərmək üçün çoxlu kitablara ehtiyac var. Amma bu həssas mərhələdə mənim üçün ən vacib olan, ilhamverici rəhbər, bütün şərtlərə malik bir fəqih – Seyid Əli Xamenei barəsində danışmaqdır. Allah onun kölgəsini üzərimizdən əksik etməsin.”
Əbu Zəkəriyya vurğuladı: “İmam Seyid Əli Xamenei elə bir şəxsiyyətdir ki, nə İslam aləmində, nə də bütün dünyada ona bənzər bir şəxs yoxdur. O vaxt ki, ərəb və müsəlman hökmdarları ABŞ və İsrail qarşısında diz çöküblər, o, ən uca mərmilərlə və ən uzun mənzilli ballistik raketlərlə var gücü ilə hayqırır
“Heyhat minnəzzilləh! Heyhat minnərruku! Heyhat minnəssuqut!” Onlar onu ölümlə təhdid etdilər, o isə cavab verdi: “Siz məni ölümləmi qorxudursuz, ey haramzadələrin övladları, ey şeytanın balaları! Öldürülmək bizim yolumuzdur və Allah tərəfindən bizə verilən izzət şəhadətdir.””
Əlcəzairli mütəfəkkir əlavə etdi: “Biz İslam dünyasında hamımız rəhbərimiz İmam Seyid Əli Xamenei-nin arxasındayıq, bütün gücümüzlə ona və yoluna dəstək veririk – düşüncəmizlə, mədəniyyətimizlə və sivilizasiyamızla. Hətta Allaha and olsun ki, biz bu yol uğrunda fədakarlıq etməyə və şəhid olaraq Rəbbimizin hüzuruna getməyə hazırıq.”
