Qafqazagency.ir xəbər verir ki ,Ənsarullah lideri vurğulayıb ki, İsrail rejiminin təcavüzlərinin həcmi nə qədər çox olsa və nə qədər təkrar olunsa da, bu təcavüzlər heç vaxt əziz Fələstin xalqını dəstəkləməkdə Yəmən xalqının mövqeyinə təsir göstərməyəcək.
Seyyid Əbdülməlik əl-Husi, Ənsarullah hərəkatının lideri bildirib: Sionist rejimin Səna hava limanına qarşı təcavüzü, İslam ümmətini hədəf almaq çərçivəsində və məzlum Fələstin xalqına dəstək verməkdən xalqımızı çəkindirmək məqsədilə həyata keçirilmişdir.
O qeyd edib ki, İsrail rejimi istəyir ki, Fələstin xalqı tək qalsın və onları təcavüzlərinə məruz qoysun, elə bir vəziyyətdə ki, İslam ölkələri buna heç bir reaksiya göstərməsin.
Ənsarullah lideri vurğulayıb ki, ABŞ-ın Yəmənə qarşı təcavüzlərinin dayandırılması və bu ölkənin uğursuzluğunun nəticəsi olaraq, İsrail rejimi zəif vəziyyətdədir.
Əl-Husi əlavə edib ki, İsrail rejimi, ölkəmizin (Yəmənin) şəhər infrastrukturuna təkrar-təkrar təcavüz edərək, öz çəkindirmə gücünü bərpa etməyə çalışır.
O bir daha vurğulayıb ki, İsrail rejiminin təcavüzlərinin həcmi nə qədər böyük olsa və nə qədər davam etsə də, bu, bizim əziz Fələstin xalqına dəstək verməkdə mövqeyimizə təsir etməyəcək; çünki bu mövqe dini bir mövqedir.
Əl-Husi bildirib ki, bəlkə də İsrail rejiminin Səna hava limanına təcavüz etməkdə məqsədlərindən biri bizim zəvvarlarımızın hərəkətinə maneə törətməkdir. Lakin Allahın köməyi ilə bu rejimin bu fitnəsi uğursuz olacaq.
O əlavə edib ki, Səna hava limanı təkrar-təkrar bərpa olunacaq – elə bir səviyyəyə qədər ki, fəaliyyətini davam etdirə bilsin.
Ənsarullah lideri vurğulayıb ki, biz, misilsiz əziyyətlərə məruz qalan Fələstin xalqının yanında daha güclü mövqe tutmaq üçün çalışırıq.
O əlavə edib ki, İsrail rejimi Fələstin xalqına qarşı cinayətlərini nə qədər davam etdirirsə, İslam ümmətinin də məsuliyyəti o qədər artır.
Əl-Husi deyib ki, Fələstin xalqına qarşı soyqırımın davam etməsi bizi iman, əxlaq və insanlıq baxımından məsuliyyət hissimizə əsaslanaraq, İsrail rejiminə qarşı hərbi əməliyyatlarımızı daha da gücləndirməyə vadar edir.
O vurğulayıb ki, Qəzza zolağına qarşı təcavüzlərin artması, silahlı qüvvələrimizi İsrail rejiminə qarşı əməliyyatlarını daha da gücləndirməyə yönəldir.
