Məhkumun aldığı ağır bədən xəsarətləri səbəbilə vəfat etdiyi deyilir
Qafqazagency.ir xəbər verir ki,Penitensiar Xidmətin 12 saylı Cəzaçəkmə Müəssisəsinin damının uçması nəticəsində xəsarət alan məhkum vəfat edib.
Bu barədə Ədliyyə Nazirliyi məlumat yayıb.
Ədliyyə Nazirliyinin yaydığı açıqlamada deyilir ki, xəsarət alan məhkum Mövlam Mustafayev aldığı ağır bədən xəsarətləri səbəbilə vəfat edib.
İyunun 1-də saat 13:10 radələrində Qaradağ rayonu, Qızıldaş qəsəbəsində yerləşən 12 saylı Cəzaçəkmə Müəssisəsində məhkumların yaşadığı binanın dam örtüyü uçub. Hadisə nəticəsində bir nəfər məhkum xəsarət almışdı.
Nazirlik bildirir ki, hadisə nəticəsində digər məhkumlar və müəssisənin işçi heyəti xəsarət almayıb.
Hadisənin başvermə səbəbləri barədə rəsmi məlumat verilməyib.
Məhkumun şəxsiyyəti və onun yaxınlarının məsələyə münasibəti hələlik bəlli deyil.
Faktla bağlı Bakı şəhəri Qaradağ rayon Prokurorluğunda araşdırma aparıldığı deyilir.
12 saylı Cəzaçəkmə Müəssisəsi Bakı şəhərinin Qaradağ rayonu, Qızıldaş qəsəbəsində yerləşir.
