Qafqazagency.ir xəbər verir ki,“Biz və Qərb müəzzəm Rəhbərin Fikirlərində” adlı görüş Braziliyada siyasi partiya nümayəndələrinin və fəalların iştirakı ilə, Qərbin insan haqları mövzularında birtərəfli və haqlı görünmək iddiasını tənqid edən məzmunla İran səfirliyində keçirilib.
İclas universitet tədqiqatçıları, partiya nümayəndələri, ictimai və media fəallarının iştirakı ilə — həm canlı, həm də videokonfrans formatında — Braziliyada İran səfirliyində baş tutub.
İran İslam Respublikasının Braziliyadakı səfiri Abdullah Nekunam toplantıda çıxış edərək, Qərbin insan haqları mövzularında özünü “haq tərəf” kimi göstərməsini, halbuki tarixi və indiki dövrdə insan haqlarının ən əsas pozucularından biri olmasını izah edib. O, Qərbin bu sahədəki ikili standartlarının bir sıra nümunələrinə toxunub.
Səfir iştirakçıların suallarını cavablandırarkən, ABŞ və NATO-nun Avropadan Latın Amerikasına qədər dünyada BMT icazəsi olmadan apardığı çoxsaylı qanunsuz hərbi müdaxilələrə və iki dünya müharibəsini başlatmalarına işarə edərək, Qərb təbiətini “hakimiyyətçilik və hegemonluq” üzərində qurulmuş, amma “cazibədar görünüşlü” bir sistem kimi xarakterizə edib.
Toplantıda iştirakçılar İmam Xameneinin beynəlxalq məsələlərdəki baxışlarına istinad edərək, İranın ilhamverici rolunu və qlobal ictimai rəydəki əsl mövqeyini vurğulayıblar. Onlar Qərb mediasının təqdim etdiyi təhrif olunmuş təsvirlərin əksinə olaraq, İranın dünya ictimaiyyətində mənəvi və mədəni nüfuzunun yüksək olduğunu qeyd ediblər.
İştirakçılar, İranın qədim sivilizasiya köklərinə, orijinal fikirlərinə və xüsusilə İslam İnqilabının və müəzzəm Rəhbərin humanist və mənəvi yönümlü düşüncələrinə əsaslanaraq Braziliyada İranı daha çox tanıtmaq və təqdim etmək üçün mədəni və bədii vasitələrdən istifadə olunmasının vacibliyini vurğulayıblar.
İclasda çıxış edən Braziliyalı tədqiqatçılardan biri, sosial və siyasi elmlər üzrə mütəxəssis, belə deyib:
“Yeddi min illik tarixi olan İran xalqı öz dünyagörüşünü ədəbiyyat və mifologiya vasitəsilə minillər boyu izah edib. İslam İnqilabı anlayışı sərhədləri aşır və bu gün İmam Xamenei İranın əzəmətinin qoruyucusudur.”
Toplantının sonunda müəzzəm Rəhbərin Qərbin insan haqları məsələlərindəki ikili standartları ilə bağlı fikirlərini əks etdirən portuqal dilində hazırlanmış video-material nümayiş etdirilib
