İran Xarici İşlər Nazirliyinin sözçüsü Bəqayi Qafqazla bağlı açıqlamasında bildirib:
Qafqazagency.ir xəbər verir ki, “Mövqeyimizdə heç bir dəyişiklik yoxdur. Qafqazdakı proseslərdə iki əsas məsələ var: Azərbaycan Respublikası ilə Ermənistan arasında sülh və münaqişələrin həlli. Biz sülh müqaviləsinin imzalanmasının vacibliyini daim vurğulamışıq.”
“Biz həmişə demişik ki, bu prosesin uzadılması faydalı deyil və bölgədə gərginliyin yenidən yaranmasına səbəb ola bilər. Bu səbəbdən hər iki ölkəni bu prosesi ciddi şəkildə izləməyə çağırmışıq və çağırırıq.”
“Tranzit və nəqliyyat yollarına gəlincə, biz bu əlaqələrin qurulmasını dəstəkləmişik və bunu ölkələrin iqtisadi inkişafına töhfə verən vacib məsələ hesab edirik. Bu yolların genişlənməsini dəstəkləyirik.”
“Ancaq bir məsələni hər zaman vurğulamışıq: bu layihələr və nəqliyyat yollarının genişləndirilməsi dövlətlərin milli suverenliyi və ərazi bütövlüyü ilə ziddiyyət təşkil etməməlidir və qətiyyən bölgənin geosiyasi xəritəsinin dəyişməsinə səbəb olmamalıdır.”
