Azərbaycan Ordusunun hərbçisi həlak olub

Gizir avtomobil qəzası nəticəsində həyatını itirib

Qafqazagency.ir xəbər verir ki, Azərbaycan Ordusunun giziri Sadiq Əsgərov avtomobil qəzası nəticəsində həyatını itirib.

İyunun 25-də Daşkəsəndə 1986-cı il təvəllüdlü Sadiq Əsgərovun içərisində olduğu hərbi hissənin avtomobili idarəetmədən çıxaraq yol kənarındakı qayalığa çırpılıb.

Nəticədə hərbçi aldığı ağır xəsarətlərdən hadisə yerində həlak olub.

Əslən Zaqatalanın Qımır kəndindən olan Sadiq Əsgərov həmin kənddə dəfn edilib.

O, ailəli olub, 3 övlad atası idi.