Ərdəbilin cümə imamı, Ayətullah Seyyid Həsən Amili: Azərbaycan dövləti bilməlidir ki, çətin gününüzdə ABŞ deyil, İranın azərbaycanlıları sizə kömək edəcək
Qafqaz Mədəniyyət Mərkəzinin məlumatına görə, Ayətullah Amili, bu həftə Ərdəbilin cümə namazı xütbəsində bəzi siyasi anlayışların İranda düzgün anlaşılmadığını və izah edilməli olduğunu vurğulayaraq deyib: Birinci məsələ dünyala barış və ya dostluq məsələsidir. Bunu İslam Respublikasına aid edirlər, amma bu açıq-aydın bir səhvdir. Biz heç bir ölkə ilə düşmən deyilik ki, barış edək, sadəcə İsraillə əlaqəmiz yoxdur, çünki İsrail qanunsuz, saxta və işğalçı bir rejimdir. İkinci məsələ isə dünyayla barış tələbidir. Bu, da İslam Respublikasına aid deyil. Biz heç kimlə müharibə etməmişik, biz özümüzü müdafiə edirik. ABŞ barış etməlidir, biz yox. Bu cür anlayışların İslam Respublikasına aid edilməsi böyük bir haqsızlıqdır.
Ayətullah Amili, Peyğəmbərimizin (s) “Dinin əsası yaxşılıqdır” sözünü xatırladaraq, müsəlmanların bir-birinə yaxşı niyyətlə yanaşmalarının vacibliyini vurğulayaraq əlavə edib: Mən Azərbaycan hökumətinə yaxşı niyyətlə bir məsləhət vermək istəyirəm. Bir hökumətin əsas gücü onun ictimai diplomatiyasının güclü olması və xalqın düşüncələrini qorumasıdır. 12 günlük müharibədə biz, azərbaycanlılar, Trampın hücumlarına məruz qaldıq, əzizlərimizi itirdik, Amerika azərbaycanlıların qatili oldu.
Lakin son zamanlar Azərbaycan hökuməti Trampı həddən artıq tərifləyir, onu sülhsevər, şərəfli, qəhrəman və çox yüksək statusa sahib biri kimi göstərir. Lakin unudulmamalıdır ki, Tramp azərbaycanlıların yaşadığı əraziləri bombalayıb və bu cür təriflər heç də doğru deyil. Bu səbəbdən, belə sözlər İran azərbaycanlıları arasında böyük bir nifrət yaradır. Heç kim gözləməzdi ki, Azərbaycan hökuməti belə bir qatili bu qədər tərifləsin.
Ayətullah Amili əlavə edib: Araşdırmalarım nəticəsində deyirəm ki, bu cür ifadələrdən sonra Təbriz, Urmiya, Zəncan və Ərdəbil kimi azərbaycanlıların sıx yaşadığı bölgələrdə böyük bir nifrət dalğası yaranıb. Bu təriflər yanlışdır, çünki Trampın əlləri 62 min fələstinli müsəlmanının qanına bulaşıb. O, açıq şəkildə Qəzzəni cəhənnəmə çevirəcəyəm demişdi və bunu da həyata keçirir. Günahsız insanlara cəhənnəmi yaşadan bir şəxs heç vaxt sülhsevər ola bilməz. Həmçinin, İranı hədəf alması bir daha onun sülhsevərliklə əlaqəsi olmadığını göstərdi. Azərbaycan hökuməti dəfələrlə azərbaycanlıları öz qardaşları kimi qələmə verərək, onların rifahını düşündüyünü bildirmişdi. Ona görə də, belə bir şəxsi tərifləmələri gözlənilməz idi.
Nəhayət, Ayətullah Amili sözlərini belə tamamlayıb: Azərbaycan dövləti diqqətli olmalıdır. Çətin günlərdə ABŞ deyil, İranın azərbaycanlıları onlara kömək edəcək. ABŞ ilə Ukrayna arasında baş verənlər buna yaxşı bir nümunədir. Azərbaycan dövləti yaxşı xatırlayar ki, Azərbaycan Prezidentinin köməkçisi Hikmət Hacıyev demişdi ki, İran Qarabağ müharibəsində 400 min insanı ölümdən xilas etdi. Həmçinin, Azərbaycanın şeyxi Qarabağ azad olunduqdan sonar, oraya etdiyi bir səfərdə – Qarabağın azad olunmasında Ayətullah Xameneinin fətvasının böyük rolu olduğunu söyləmişdi.
Biz gözləyirik ki, Azərbaycan hökuməti bu məsələlərə diqqətlə yanaşsın və azərbaycanlıların qəlblərini incidən bu sözləri təkrarlamasın.
