“Çünki mənim fikrimcə, bu, rüşvət sayılmır”
Qafqazagency.ir xəbər verir ki,Bundestaqın keçmiş deputatı Eduard Lintnerin Azərbaycan hökumətindən külli miqdarda rüşvət alması ilə bağlı ittihamı təsdiqlədiyi bildirilir.
Lintner Münhen Ali Məhkəməsinin “Azərbaycan Laundromatı” (“Azərbaycan çirkli pullar planı”) işi üzrə keçirilən növbəti prosesində bildirib ki, Azərbaycan tərəfindən ödənişlər açıq şəkildə edilib.
O, da pulların vasitəçilərlə ötürüldüyünü heç vaxt sorğu-sual etməyib.
Lintner daha sonra mətbuata bildirib ki, məhkəmədə ittiham aktında təsvir edilən faktların doğru olduğunu deməsinə baxmayaraq, bunu etiraf kimi qəbul etmir: “Çünki mənim fikrimcə, bu, rüşvət sayılmır”.
İttiham aktına əsasən, Azərbaycan bir neçə il ərzində Avropa Şurası Parlament Assambleyasında (AŞPA) öz maraqlarına uyğun qərarların qəbuluna nail olmaq üçün siyasətçilərə pul ödənişləri etməklə təsir göstərməyə çalışıb.
2017-ci ildə “Süddeutsche Zeitung və Organized Crime and Corruption Reporting Project”in (OCCRP) araşdırmaları nəticəsində “Azərbaycan Laundromatı” adı verilən mürəkkəb pul yuma sxemi vasitəsilə iki il ərzində təxminən 2,9 milyard dollar məbləğində gizli pul köçürmələri edildiyi məlum olub.
Pul köçürmələri əsasən 2012–2014-cü illəri əhatə edib.
Münhen Respublika Prokurorluğu tərəfindən bu iş üzrə istintaq dörd il davam edib.
Prokurorluq keçmiş deputatlar Aksel Fişer, Eduard Lintner və araşdırma döründə vəfat edən siyasətçi Karin Strenzin korrupsiya və rüşvətxorluq şübhəsini təsdiqləyib.
İddialara görə, Lintner Azərbaycan hakimiyyətindən aldığı külli miqdarda pulların bir hissəsini digər AŞPA üzvlərinə ötürüb və onlardan Azərbaycanın xeyrinə qərarların qəbuluna təsir etmələrini istəyib.
İş üzrə məhkəmə prosesi 2025-ci ilin yanvarında başlayıb.
2010–2018-ci illərdə AŞPA-da fəaliyyət göstərmiş Aksel Fişerin isə Azərbaycana dəstək xarakterli çıxışlar etdiyi, həmçinin məxfi sənədləri ötürdüyü iddia olunur. O, on minlərlə avro məbləğində rüşvət almaqda günahlandırılır.
Hər iki şəxs ittihamları dəfələrlə rədd edib. İki digər təqsirləndirilən şəxs — Lintnerin keçmiş əməkdaşı və yaxın qohumu — artıq günahlarını etiraf edib.
Məhkəmə hökmününün iyulda verməsi gözlənilir.
