Qafqazagency.ir xəbər verir ki, ABŞ Venesuelaya qarşı hərbi təcavüzdən, eləcə də bu ölkənin Prezidenti Nikolas Maduro və onun həyat yoldaşının oğurlanmasından sonra, onları narkotik terrorizminin genişləndirilməsi məqsədilə sui-qəsddə ittiham edən yeni ittiham aktı yayımlayıb.
ABŞ-nin ittiham aktında iddia olunur ki, narkotik qaçaqmalçılığı fəaliyyəti Venesuelanın yüksək rütbəli siyasi və hərbi rəsmilərini varlandırıb və mövqelərini möhkəmləndirib.
Amerikalı rəsmilər iddia edirlər ki, Maduro ABŞ ərazisinə böyük həcmdə kokainin daşınması üçün dünyanın ən qəddar və ən fəal narkotik qaçaqmalçıları və narkotik terrorçularından bəziləri ilə əməkdaşlıq edib.
