“Hizbullah” ABŞ və İsrailin təzyiqləri qarşısında təslim olmayacaq.
Qafqazagency.ir xəbər verir ki, bu barədə Livanın müqavimət hərəkatının lideri Şeyx Naim Qasim bəyan edib.
“Mövqeyimizdən geri çəkilməyəcəyik”, – deyə o qeyd edib.
Şeyx Naim Qasim ölkə hakimiyyətini Livanın suverenlik və müstəqilliyi uğrunda çalışmağa çağırıb.
O xatırladıb ki, “Hizbullah” hərəkat atəşkəslə bağlı öz öhdəliklərinə tam şəkildə əməl edib və bu məsələdə Livan hökumətinə yardım edib, atəşkəsin qəbul edilməsindən sonra isə yeni bir dövr başlayıb.
“Düşmən olan İsrailin müqabilində “Hizbullah”ın çəkindirici gücü istisnavidir. Hücumların qarşısında ölkəni qorumaq Livan dövlətinin və ordusunun vəzifəsidir, “Hizbullah”ın vəzifəsi isə bu məsələdə sadəcə dəstək verməkdir. Əgər ordu Livanı qoruya bilmirsə, biz “Hizbullah” olaraq onun (ordunun) silahsızlaşdırılmasınımı tələb etməliyik?!“, – deyə o bildirib.
“Müqavimət cəbhəsi Livan ordusu ilə hərtərəfli əməkdaşlığa hazırdır, lakin İsrail və ABŞ-a əsla təslim olmayacağıq!“, – deyə Şeyx Naim Qasib vurğulayıb.
“Hizbullah”ın silahsızlaşdırılması planını tənqid edən Baş katib deyib ki, “Livanda silahların dövlətin əlində cəmlənməsi mövzusu ABŞ və İsrailin tələbidir. Bu məntiqlə hərəkət etmək isə Livanın gücünün yox edilməsi demək olacaq“.
O əlavə edib ki, Livana qarşı cızılan təhlükəli planlar hələ də gündəmdədir, buna görə də rəsmi Beyrut güzəştlərə getməyə son qoymalıdır.
“Hizbullah” lideri bəyan edib ki, Livanda birlik və bərabərlik olduğu müddətcə müharibə olmayacaq, “amma əgər, hər bir halda, müharibə baş versə, (düşmən) öz hədəflərinə nail olmayacaq. ABŞ-ın dəstəyi olmadan sionist rejim müharibəyə yönəlməyəcək“.
