Macarıstandan olan xanım Məşhəd şəhərində İslam dinini qəbul edib.
Qafqazagency.ir xəbər verir ki, Andra İbupa Marşen İmam Rza (ə) hərəmini ziyarət edərkən kəlmeyi-şəhadət gətirib.
Macar xanım dindar xristian ailədə böyüyüb başa çatdığını deyib:
“Uşaqlığımdan bəri mənim xristianlıqla bağlı çoxlu cavabsız suallarım olub və bu cavabsızlıq məni məyus edib”.
O, İslam dini ilə tanışlığının müsəlman ölkələrindən birində olarkən məscidi ziyarət etməsindən sonra başladığını və bundan sonra səkkiz il ərzində gizli şəkildə müsəlmanlığı tədqiq etdiyini qeyd edib.
“Mən çoxlu kitabları araşdırdım və cavabı İslam dinində tapdım”, – deyə macarıstanlı xanım bildirib.
Marşen əlavə edib ki, onun İslam dininə gəlişində ən mühüm rolu Aşura günü Kərbəlada baş verən hadisələr oynayıb.
“Xanım Zəhra (s) və İmam Əlinin (ə) məsumluğu qəlbimdə pak İmamlara sevgiyə və İslam dininə keçidimə səbəb oldu”, – deyə o vurğulayıb.
O deyir ki, bu yolda çoxlu çətinliklərlə üzləşməli olub, lakin bütün bu sınaqlar İslama gəlişinə dəyib.
