Qafqazagency.ir xəbər verir ki, İran Prezidenti Məsud Pezeşkian Türkiyənin xarici işlər naziri ilə görüşü zamanı İslam dünyasının hazırkı həssas şəraitinə toxunaraq bildirib: Müsəlman xalqlarının ortaq düşmənləri təzyiqləri artırmağa çalışdığı bir dönəmdə İslam ölkələrinin bir-biriləri üçün şəraiti asanlaşdırması və məsələləri daha mürəkkəb vəziyyətə gətirməkdən çəkinməsi gözlənilir.
Prezident Pezeşkian qeyd edib: İran və Türkiyə bir-birinə qardaş ölkələrdir və iki ölkə arasında münasibətlərin inkişaf etdirilməsi vacibdir. Biz inanırıq ki, ticarət, elm və mədəniyyətin keçdiyi sərhədlərdən heç vaxt terrorizm və silah keçməyəcək.
Dövlət başçısı, həmçinin Avropanın təcrübəsinə toxunaraq bildirib ki, uzunmüddətli müharibələr və qarşıdurmalara baxmayaraq, Avropa ölkələri bu gün sərhədləri zəiflətməyə, ortaq maliyyə və siyasi strukturlar yaratmağa, ticarət və nəqliyyat şəbəkələrini birləşdirməyə nail olublar. Pezeşkian əlavə edib: Daha dərin mədəni və sivilizasiya ortaq nöqtələrinə malik olan İslam dünyası da fikir ayrılıqlarını kənara qoyaraq, ticarət, elm və mədəniyyət axınlarının birləşdirilməsi yolu ilə əməkdaşlıq və ümumi inkişaf istiqamətində irəliləyə bilər.
